Yeddi ayda biznes strukturlarının banklar tərəfindən kreditləşməsinin həcmi 2,6 milyard manat olub

Cari ilin yanvar-iyul aylarında Azərbaycanda biznes strukturlarının banklar tərəfindən kreditləşməsinin həcmi 2,6 milyard manat təşkil edib.
AZƏRTACxəbər verir ki, bu barədə Maliyyə Bazarlarına Nəzarət Palatasının (MBNP) idarə heyətinin sədri vəzifəsini icra edən İbrahim Alışov sentyabrın 27-də Bakıda keçirilən Almaniya-Azərbaycan biznes forumunda deyib.
İ.Alışov qeyd edib ki, ötən il banklar biznesi 4,3 milyard manat, cari ilin 7 ayında isə 2,6 milyard manat kreditləşdirib.