Bakı 18°C
Yaşamağın 12 qaydası
İlin
ən çox gözlənilən kitabı "Həyat üçün 12 qayda: Xaos əleyhinə çarə” ("12 rules
for life: An antidote to chaos”) fevralın 13-dən rəflərdə yerini alıb.
"Guardian”-ın ədəbi redaktorlarından Con Qreys söz verdiyi kimi kitabı dərhal
alıb, oxuyub və fikirlərini oxucularla bölüşüb. Kitabın ana fikrini: "Hamınız
öləcəksiniz, həm də əzab çəkərək” cümləsi ilə qısaca çatdıran Qreys, Cordan
Pitersonun bu çox gözlənilən məsləhət toplusunda əzabsız yaşamağın
qaydalarından bəhs etdiyini yazır. Olduqca böyük maraq görən məqalənin orijinal
versiyası ilə "guardian”-da tanış ola bilərsiniz. Biz isə Qreysin qısa
şərhlərlə sıraladığı 12 qaydanı təqdim edirik.
1. Öz gücünüzə yaşamağı öyrənin, nə olursa
olsun, çiyninizi dik tutun – Hamı mənim qədər şanslı və varlı olmaya bilər,
amma olduğunuz yerdən daha yaxşı mövqeyə gələ bilərsiniz.
2. Özünüzlə sizin qayğınıza ehtiyacı olan
biri kimi rəftar edin – Kömək etmək yaxşı xüsusiyyətdir, amma insan hər şeyə
özündən başlamalıdır.
3. Sənin üçün həmişə yaxşı yollar işarə
edənlərlə möhkəm dost olun – Niyyəti xoş olanlar həyatın qalibləridir, onlardan
bərk yapışın.
4. Hər gün özünü dünənki özünlə müqayisə
et – Özünlə üzləş, inkişafın ilk şərti budur.
5. Övladlarına sevmədiyin şeyləri vərdişə
çevirmək imkanı vermə – Unutma, uşaqlar təmiz dəri ilə doğulur və hər insanda
şeytana çevrilmək potensialı var.
6. Tənqid edərkən xəyal etdiyin dünyanı
evində inşa et – Keyn və Abelin əhvalatını xatırla, oxumamısansa, oxu.
7. Uyğun olanı yox, bir məna kəsb edəni
axtar – Həyat əzabdır, bunun asan yolu yoxdur. Odur ki, dünyanın tempinə
köklənməkdənsə, Nitşe oxu.
8. Həqiqəti danış. Əgər bu çox çətindirsə,
heç olmasa, yalan danışma – Bunu bacaran inkişafını tamamlamış beyindir.
9. Dinləməyə zaman ayırdığın insanın
bilmədiyin şeylərdən danışdığına əmin ol – Əks halda, denən ki, ağzını yum,
bunları mən özüm də bilirəm.
10. Çıxışında səslənən fikirlər
qəti, birmənalı olsun – Ziddiyyət, qeyri-əminlik xaosun başlanğıcıdır.
11. Əgər uşaqlara çöldə xizək
sürməyə icazə vermisənsə, dəqiqəbaşı narahat eləmə – Valideynlə övladın
dünyasının ayrılması buradan başlayır.
12. Ev heyvanı saxlayacaqsansa,
küçədə təsadüfən qarşına çıxan, hətta bəlkə də köməyə ehtiyacı olan pişiyi seç
– Hamımız öləcəyik, ruhunu sakitləşdirən işlər gör.
