Yaponiya və ABŞ-ın müdafiə nazirləri və XİN rəhbərləri arasında görüş keçiriləcək

Yaponiyanın xarici işlər naziri Taro Kono və müdafiə naziri Takesi İvaya bu həftə Vaşinqtona səfər edəcəklər.
Trend-in Yaponiya XİN-ə istinadən verdiyi məlumata görə, aprelin 19-u T.Kono və T.İvaya ABŞ-ın dövlət katibi Mayk Pompeo və müdafiə nazirinin səlahiyyətlərini icra edən Patrik Şanahan ilə görüşəcəklər.
Takesi İvaya Tokioda mətbuat konfransında bildirib ki, Yaponiya ABŞ-ın müdafiə siyasətini dəstəkləyir və əməkdaşlığın genişləndirilməsi üzrə danışıqlar keçirəcəyinə ümid edir.
Görüşlərin yekunları üzrə mətbuat konfransı və birgə sənədlərin imzalanması nəzərdə tutulur.