Bakı 19°C
YAP-ın gələcəyi gənclərə məxsusdur
YAP Gəncə şəhər Təşkilatı ADAU-nun Aqronomluq fakültəsində
Yeni Azərbaycan Partiya sıralarına yeni üzv olan gənclərlə görüş keçirib.
Görüşü ADAU-nun rektoru, AMEA-nın müxbir üzvü, professor
İbrahim Cəfərov açıb, Ümummilli lider Heydər Əliyevin 1993-cü ildə xalqın təkidli
tələbi ilə yenidən respublika rəhbəri olmasından sonra ölkənin inkişafından, tərəqqisindən
danışıb. Dinamik inkişafın Azərbaycan vətəndaşlarında, Yeni Azərbaycan
Partiyasının hər bir üzvündə qürur hissi yaratdığını bildirib.
YAP Gəncə şəhər Təşkilatının İdeologiya şöbəsinin müdiri
Hüseyn Budaqov çıxış edərək Ulu öndər Heydər Əliyevin uzaqgörənliklə müəyyənləşdirdiyi
siyasətin Azərbaycan Respublikasının qarşısında geniş imkanlar açdığını, yeni hədəflər
müəyyənləşdirdiyini söyləyib. Gəncə gənclərinin ölkə Prezidenti,Yeni Azərbaycan
Partiyanın sədri cənab İlham Əliyevin ətrafında sıx birləşdiyini qeyd edib.
Bildirib ki, Yeni Azərbaycan Partiyası hər zaman fəaliyyətində gənclərin
inkişafına geniş imkanların yaradılmasına, onlarda milli şüurun, vətənpərvərlik
ruhunun formalaşdırılmasına xüsusi diqqət yetirib. Prezident cənab İlham Əliyevin
və Onun rəhbərliyi ilə YAP-ın fəaliyyətinin prioritet istiqamətlərindən biri
kimi, bu gün də Azərbaycan gənclərinin hərtərəfli inkişafı, ölkənin
ictimai-siyasi, sosial-mədəni həyatındakı rolunun artması, idarəçilik
strukturlarında geniş təmsil olunması xüsusi diqqət mərkəzindədir.
Tələbələrdən Elnara Aslanova, Nərmin Verdiyeva, Nurlana Əslibəyova,
Fədai Həbibi isə çıxışlarında YAP-ın üzvü olduqlarından qürür hissi keçirdiklərini
bildiriblər.
Sonda YAP sıralarına yeni üzv olan gənclərə partiya vəsiqələri
təqdim edilib.
