YAP Gəncə şəhər Təşkilatı ADAU-da konfrans keçirib - Fotolar
YAP
Gəncə şəhər təşkilatı və Azərbaycan Dövlət Aqrar Universitetinin təşkilatçılığı
ilə konfrans keçirilib. Konfransda YAP Gəncə şəhər təşkilatının sədri, millət vəkili
Naqif Həmzəyev, ADAU-nun rektoru, AMEA-nın müxbir üzvü, professor İbrahim Cəfərov,
Gəncə Dövlət Univetsiteyinin Elm və İnnovasiyalar üzrə prorektoru, YAP Gəncə şəhər
təşkilatı Qadınlar Şurasının sədri, millət vəkili Pərvin Kərimzadə, ADAU-nun müəllim
və tələbə heyəti iştirak edib.
Konfrans
Azərbaycanın Dövlət Himninin səsləndirilməsi ilə başlayıb. Torpaqlarımızın ərazi
bütövlüyü uğrunda şəhid olan Vətən övladlarının ruhu bir dəqiqəlik sükutla yad
edilib.
Tədbirin
əlamətdar günə - 18 oktyabr Azərbaycan Dövlət Müstəqilliyi Gününə təsadüf
etdiyini bildirən ADAU-nun rektoru İbrahim Çəfərov Prezident cənab İlham Əliyevin
diqqəti, qayğısı və dövlətin həyata keçirdiyi ünvanlı, konkret hədəflərə yönələn
stimullaşdırma tədbirləri sayəsində aqrar sahədə əldə edilən uğurlardan,
nailiyyətlərdən danışıb. Qeyd edib ki, cənab İlham Əliyevin 15 illik
Prezidentlik dövrü, sosial-iqtisadi həyatımızın bütün sahələrində olduğu kimi
aqrar sahədə də sözün əsl mənasında dönüş dövrü olub, ölkəmizin inkişaf səlnaməsinə
tarixi töhfə verib.
YAP
Gəncə şəhər təşkilatının sədri, millət vəkili Naqif Həmzəyev ölkə Prezidenti cənab
İlham Əliyevin çoxşaxəli fəaliyyətinin əsas istiqamətlərindən birinin gənc nəslə
diqqət və qayğının artırılması, yeni nəslin gələcəyin layiqli vətəndaşları kimi
formalaşması üçün münbit şəraitin yaradılması olduğunu vurğulayıb. Gəncə gənclərinin
ölkə Prezidenti, Yeni Azərbaycan Partiyanın sədri cənab İlham Əliyevin ətrafında
sıx birləşdiyini qeyd edən millət vəkili bildirib ki, YAP Gəncə şəhər təşkilatı
fəaliyyətini gənclərin inkişafına geniş imkanların yaradılması, onlarda milli
şüurun, vətənpərvərlik ruhunun formalaşdırılması istiqamətində qurub. Təşkilatın
gənc üzvləri şəhərin ictimai-siyasi həyatında fəal iştirak etməklə bərabər,
bütün sahələrdə, o cümlədən elmdə və təhsildə böyük uğurlar qazanırlar. Təşkilatda
gənclərin, xüsusən də tələbələrin dərsdən sonra asudə vaxtlarını səmərəli
keçirilmələri, onların bilik və bacarıqlarının inkişaf etdirilməsi,
dünyagörüşünün zənginləşməsi və intellektinin formalaşması istiqamətində lazımı
şərait yaradılıb.
YAP
Gəncə şəhər təşkilatı Qadınlar Şurasının sədri, millət vəkili Pərvin Kərimzadəölkəmizin qazandığı nailiyyətlərdən danışaraq, bunun təməlində Prezident cənab
İlham Əliyevin həyata keçirdiyi siyasətin dayandığını söyləyib. Millət vəkili
bildirib ki, məhz bu siyasətin nəticəsidir ki, ölkəmizin nüfuzlu, ziyalı
qadınları, eləcə də cəmiyyətin digər təbəqələrini təmsil edən xanımlar YAP-ın
sıralarında cəmləşiblər və onlar ölkənin ictimai-siyasi proseslərində yaxından
iştirak edirlər.
Ölkədə
gənclər siyasəti dövlət siyasətinin mühüm tərkib hissəsi olduğunu qeyd edən
ADAU-nun III kurs tələbəsi Səidə Həsənova dövlətin gənclərin fəaliyyəti üçün
yaratdığı geniş imkanlardan danışıb, təhsil aldığı ali təhsil müəssisəsini
nümunə göstərib.
Tədbirdə
ərazi ilk partiya təşkilatları Gənclər Birliyi, Qadınlar Şurası, İdarə Heyətlərinin
yeni tərkibi, həmçinin YAP Gəncə şəhər təşkilatı Gənclər Birliyinin V
konfransına nümayəndələr seçilib.
Sonda
partiya sıralarına yeni daxil olan tələbələrə təntənəli şəkildə üzvlük vəsiqələri
təqdim edilib.