Xoşbəxt gələcəyə "İlhamla irəli"! - Video - Fotolar
Yeni Azərbaycan Partiyası (YAP) Mərkəzi Seçki Qərargahı
Gəncə şəhər şöbəsi Partiyanın Sədri,
Azərbaycan
Respublikası Prezidentliyinə
namizəd İlham Əliyevin
seçki kampaniyası çərçivəsində
seçicilərlə görüşlərini
uğurla davam etdirir. YAP Gənşə şəhər Təşkilatının
Qərargahında keçirilən növbəti
görüşdə Gəncənin
qadın seçiciləri iştirak ediblər.
YAP Gəncə şəhər Təşkilatının
Qadınlar Şurasının sədri, millət vəkili Pərvin Kərimzadə 11 aprel 2018-ci ildə
keçiriləcək prezident seçkilərinə Yeni Azərbaycan Partiyası tərəfindən namizədliyi
irəli sürülmüş cənab İlham Əliyevin siyasi fəaliyyətindən ətraflı bəhs edib.
Xüsusən Azərbaycan qadınlarının ictimai-siyasi həyatdakı fəal rolundan danışan
Pərvin Kərimzadə bildirib ki, bu gün cənab Prezident İlham Əliyev tərəfindən Azərbaycanda
qadın hüquqlarının təmin olunmasına, onların cəmiyyətdə və dövlət idarəçiliyində
rolunun artmasına yönəlmiş siyasət uğurla həyata keçirilir. Millət vəkili Gəncənin
qadın seçicilərini Heydər Əliyev siyasətinin davamı naminə 11 aprel seçkilərində
cənab İlham Əliyevə səs verməyə çağırıb.
Gəncə qadınları
adından çıxış edən Aidə Həsənova, Mehriban Məmmədova, Elnarə Mahmudova, Ulduz
Babayeva, Afaq Qasımova, Mainə Hüseynova qadınların Azərbaycan dövlətçiliyinin
güclənməsində, xalqımızın milli-mənəvi dəyərlər sisteminin formalaşmasında
rolundan danışıb, əminliklə bildiriblər ki, Gəncə seçiciləri yekdilliklə 11
aprel seçkilərində YAP-ın namizədi cənab İlham Əliyevə səs verəcəklər.
Təşviqatçı
İbrahim Cəfərov Azərbaycan xanımının mərdliyi, sədaqəti, ailəyə, milli-mənəvi dəyərlərimizə
bağlılığından söhbət açıb, bildirib ki, ölkə Prezidenti cənab İlham Əliyevin
daxili və xarici siyasəti nəticəsində lider dövlətə çevrilən Azərbaycanda
qadınlar dövlət idarəetmə strukturlarında, seçkili orqanlarda, yerli özünüidarəetmə
qurumlarında səhiyyə, təhsil və mədəniyyət sahələrində ön sıralarda
addımlayırlar.
Sonda YAP Gəncə şəhər Təşkilatının sədri, millət vəkili Naqif Həmzəyev
qarşıdakı 7 il üçün daha güclü və qüdrətli Azərbaycan naminə bütün Gəncə
seçicilərini "İlhamla irəli” səsləyərək, 11 aprel Prezident seçkilərində YAP
namizədi cənab İlham Əliyevin namizədliyinin dəstəklənməsi üçün çağırış edib.