AZE | RUS | ENG |


Xocalıya həsr olunmuş xatirə konserti London LİVE kanalında yayımlanıb

Xocalıya həsr olunmuş xatirə konserti London LİVE kanalında yayımlanıb
Londonun Kovent Qarden rayonunda yerləşən "St.Paul’s Church” kilsəsində Xocalısoyqırımının 25-ci ildönümünə  həsr olunmuş xatirə konserti haqqında video reportaj London LİVE televiziya kanalında yayımlanıb.
 
Ənənəvi anım konserti bu ilin fevralın 24-də "Xocalıya Ədalət !” beynəlxalq təbliğat-təşviqat kampaniyası çərçivəsində Avropa Azərbaycan Cəmiyyətinin (TEAS) təşkilatçılığı ilə baş tutub.
 
TEAS-dan APA-ya verilən məlumata görə, anım konsertində soprano səsə malik Selcan Nəsibli "Sevil” operasından "Sevil”in ariyasını, pianoçu Ayan Salahova və violonçel ifaçısı Camal Əliyev isə bəstəkarlar Şopen və Raxmaninovun populyar əsərlərini ifa ediblər.
 
Konsert fransız bəstəkar Pyer Tilloyun həmin gecənin dəhşətlərini canlandıran "Xocalı 613" əsərinin ifası ilə yekunlaşıb.
 
Əsər azərbaycanlı skripkaçı Nəzrin Rəşidova, latviyalı klarnetçi Anna Qaqane və Fransanın "Quatuor Chagall” adlı kamera ansamblı tərəfindən birgə ifa edilib.
 
Sonda tədbir iştirakçılarının hər birinə konsertin CD diski hədiyyə edilib.
 
Məlumat üçün bildirək ki, London LİVE (Canlı yayım) televiziya kanalı Böyük Londonda, həmçinin peyk və kabel vasitəsilə yayımlanır. Onun 200 minə yaxın tamaşaçı auditoriyası var.





Paylaş:

Facebook-da

Reklam

Xəbər lenti

Valyuta məzənnəsi

Tipi Ədə. Adı AZN
IRR 100 İran rialı 0.0047
GEL 1 Gürcü larisi 0.6887
GBP 1 İngilis funt sterlinqi 2.1909
TRY 1 Türk lirəsi 0.4768
KWD 1 Küveyt dinarı 5.5948
SEK 1 İsveç kronu 0.1943
EUR 1 Avro 1.8566
CHF 1 İsveçrə frankı 1.7139
USD 1 ABŞ dolları 1.7025