Xocalı soyqırımının dünyada tanıdılması ümummilli məsələdir
Ermənistan silahlı qüvvələrinin və keçmiş sovet
ordusunun 366-cı motoatıcı alayının 1992-ci il fevralın 25-dən 26-a keçən gecə
Xocalıda azərbaycanlı əhaliyə qarşı törətdiyi soyqırımı aktından 25 il ötür. Dünyada
qəbul olunmuş beynəlxalq konvensiyalar, ümumbəşəri qanunlar Xocalı faciəsi kimi
soyqırımları pisləyir, yolverilməz olduğunu bildirirlər. Azərbaycanın bütün
qurumları, vətəndaş cəmiyyəti Xocalı soyqırımının dünyaya çatdırılması, həmçinin
Ermənistanın hazırkı və keçmiş prezidentləri Serj Sarkisyan, Robert Köçəryan,
sabiq müdafiə naziri Seyran Ohanyan, təxribatçı Zori Balayan və digərlərinin
baş vermiş soyqırımın günahkarları kimi beynəlxalq məhkəmə qarşısında cavab
verməsi üçün mühüm tədbirlər görürlər. Hazırda bu proses Azərbaycanın xarici
siyasətinin əsas istiqamətlərindən biri kimi müəyyənləşdirilib. Xocalı həqiqətlərinin
beynəlxalq aləmdə yayılması, eləcə də bu soyqırımına obyektiv qiymət verilməsi
istiqamətində davamlı olaraq addımlar atılır.
Bu istiqamətdə görülən işlərə daha bir nümunə kimi
Heydər Əliyev Fondunun vitse-prezidenti, İslam Konfransı Təşkilatının (İKT) Gənclər
Forumunun mədəniyyətlərarası dialoq üzrə baş əlaqələndiricisi Leyla xanım
Əliyevanın təşəbbüsü ilə 2008-ci ilin mayında fəaliyyətə başlayan "Xocalıya ədalət”
beynəlxalq təbliğat-təşviqat kampaniyasını qeyd etmək olar. Məhz Heydər Əliyev
Fondunun gərgin əməyi və məqsədyönlü fəaliyyəti nəticəsində dünya ölkələri erməni
qəsbkarlarının insanlığa sığmayan qətlləri haqqında daha dolğun məlumatlandırılır.
Bir sıra dövlətlər, beynəlxalq təşkilatlar, nüfuzlu qurumlar bəşəriyyətə qarşı
törədilmiş bu cinayətin əsl mahiyyətini anlayaraq, qətliamı kəskin şəkildə pisləyir.
Görülən işlərin nəticəsi olaraq, indiyə qədər Xocalı faciəsini 10-dan artıq
dövlət, o cümlədən ABŞ-ın 20-dən artıq ştatı soyqırımı aktı kimi rəsmən
tanıyıb. Bununla belə, misli görünməmiş qəddarlıqla törədilmiş faciə, ümumilikdə
isə Ermənistan-Azərbaycan, Dağlıq Qarabağ münaqişəsi, təəssüf ki, hələ də beynəlxalq
aləmdə, birmənalı şəkildə qarşılanmır, münaqişənin həllinə dair subyektiv təhriflər
əksini tapır. Ölkəmizdə reallaşan strateji xəttin əsas hədəfi də məhz bu
münaqişənin, Ermənistanın təcavüzkar siyasətinin bütün reallıqları ilə dünyaya
bəyan olunmasıdır.
Milli Məclisin
Elm və təhsil komitəsinin üzvü, AMEA Qafqazşünaslıq İnstitutunun direktoru,
professor Musa Qasımlımövzu ilə bağlı "Kaspi”yə açıqlamasında bildirib ki, əsassız ərazi iddiaları ilə
Ermənistanın Azərbaycana qarşı başladığı hərbi təcavüzün gedişində düz 25 il
öncə Xocalıda günahsızmülki azərbaycanlıəhaliyə - uşaqlara,
qocalara,qadınlara qarşı soyqırımın törədilməsi əsrin ən böyük dəhşətlərindən
biridir. Millət vəkilinin sözlərinə görə, bununla Ermənistan bəşəriyyətə və
sivilizasiyaya qarşı dövlət səviyyəsində ən ağırcinayət törədib.
Professor qeyd edib ki, buna görə Ermənistan cavab verməlidir: "Azərbaycan
xalqının ümummilli lideri Heydər Əliyevin təşəbbüsü ilə ilk dəfə olaraq bu
hadisəyə hüquqi-siyasi qiymət verilib. Soyqırımın tanıdılması istiqamətində
mühüm bir səhifənin başlanğıcını Prezident İlham Əliyevin müəyyənləşdirdiyi"hücum
diplomatiyası” taktikası qoyub. Məhz bundan sonra Heydər Əliyev Fondunun
vitse-prezidenti Leyla xanım Əliyevanın başlatdığı "Xocalıya ədalət”
kampaniyası çərçivəsindəki fəaliyyət nəticəsindədünyanın bir sıra ölkələrinin
parlamentləri Xocalıda baş verənləri Ermənistanın törətdiyini soyqırımı və
yafaciə olaraq tanıyıb. Qısa müddət ərzində Azərbaycan bu məsələdə böyük
bir yol keçib. Lakingörüləsi işlər hələ çoxdur. Hesab edirəm ki, ölkəmizdə
fəaliyyət göstərən QHT-lər xaricdəki tərəfdaşları ilə birgə layihələr həyata
keçirə bilərlər. Xarici ölkələrdərəsm, mahnı, şeir və sair müsabiqələri
keçirmək, onların qaliblərini Azərbaycana dəvət etmək olar”.
"Dağlıq
Qarabağ bölgəsinin Azərbaycanlı İcması” İctimai Birliyinin İdarə Heyətinin
üzvü, Xocalıdan olan millət vəkili Elman Məmmədov da Xocalı soyqırımını bəşəriyyət tarixində
insanlığa qarşı törədilən ən qanlı cinayətlərdən biri kimi xarakterizə edib. O,
bildirib ki, ötən illər ərzində soyqırımının dünyada tanıması istiqamətində
ardıcıl olaraq tədbirlər görülüb: "1993-cü ildə ulu öndər Heydər Əliyev
hakimiyyətə qayıtdığı ilk günlərdən Xocalı soyqırımını gündəmə gətirilib. İlk dəfə
ulu öndərimizin rəhbərliyi ilə Milli Məclisdə 1994-cü ilin fevralın 24-də
Xocalı faciəsinə siyasi qiymət verilib. Bundan 3 il sonra ulu öndər Heydər
Əliyevin tapşırığı ilə istintaq materialları əsasında Ali Məhkəmənin hərbi
tribunalında iki aydan artıq məhkəmə prosesi gedib. Bu da Xocalı soyqırımına
verilən hüquqi qiymət idi. Təbii ki, bütün bunlar Azərbaycan daxilində baş
verib. Bu mərhələdən sonra isə əsas hədəfimiz Xocalı soyqırımının dünyada
tanıdılması olub. Bu istiqamətdə də indiyə qədər xeyli işlər görülüb. Biz
çalışmalıyıq ki, Xocalı soyqırımı dünya dövlətləri, beynəlxalq qurumlar tərəfindən
özünün hüquqi və siyasi qiymətini alsın. Hazırda "Beynəlxalq cinayətlərin
qarşısının alınması və bu cinayətləri törədənlərin cəzalandırılması haqqında”
qanun layihəsi gündəmdədir. Məqsəd budur ki, təkcə Xocalı soyqırımı deyil, beynəlxalq
miqyasda törədilən bu tipli cinayətlərin qarşısı alınsın, cinayətləri törədənlər
cəzalandırılsın. Belə cinayətkarların içərisində bu gün böyük bir dəstə Ermənistana
rəhbərlik edən şəxslərdir. Serj Sarkisyan başda olmaqla Dağlıq Qarabağın
separatçı rejiminə rəhbərlik edənlər Xocalı soyqırımını törətmiş insanlardır.
Biz bu cinayətkarların cəzalandırılması istiqamətində işimizi aparmalıyıq. Biz bu
işə ümumxalq məsələsi kimi yanaşmalı, hər bir azərbaycanlı Xocalı qətliamının
dünyada tanıdılması işində iştirak etməlidir. Bununla da, hər birimiz bu
soyqırımın tanıdılması, ermənilərin iç üzünün açılması üçün çalışmalıyıq”.
Rufik
İSMAYILOV