• cümə, 29 Mart, 00:28
  • Baku Bakı 7°C

“Xocalı soyqırımı muzeyi”nin adı dəyişdirilsin - Ankara tələb edir

06.11.13 10:37 1154
“Xocalı soyqırımı muzeyi”nin adı dəyişdirilsin - Ankara tələb edir
Türkiyənin paytaxtı Ankaranın Qızılcahamam rayonu ərazisində Xocalı faciəsi ilə bağlı yaradılan muzeyə “Xocalı soyqırımı muzeyi” adının verilməsi mümkün olmayacaq. APA-nın “Hürriyet” qəzetinə istinadən yaydığı məlumata görə, Ankara valiliyi (qubernatorluq) muzeyə bu adın verilməsinin diplomatik problem yarada biləcəyi haqda bələdiyyəyə xəbərdarlıq edib.
Qızılcahamam bələdiyyə başqanı Coşkun Ünal bildirib ki, bu muzeyin yaradılması üçün Azərbaycan dövləti ilə iki ildir əməkdaşlıq edirlər: “İndiyə qədər Azərbaycan millət vəkilləri, hörmətli Əliyevin müşavirləri və hörmətli səfir buraya gəlib. İnşaat bitmək üzrədir. Panoramik bir muzey hazırlayırıq. Muzeydə erməni hərbi dəstələri tərəfindən yox edilmiş Xocalıda yaşananları əks etdirən sənədlər və əsərlər yer alacaq. Bəşəriyyətin bir daha belə bir cinayət yaşamaması niyyəti ilə bu muzeyi açmaq istəyirik. Lakin muzeyin adını dəyişdirmək məcburiyyətindəyik. Valilik “soyqırım” kəlməsini hüquqi baxımdan istifadə etməyin mümkün olmadığını və bunun diplomatik problem yarada biləcəyini bəyan etdi. Nəticədə muzeyin adını dəyişdirmək zərurəti yarandı. “Qətliam muzeyi” və ya başqa bir ad ola bilər, lakin Xocalıda yaşananları bütün dünya bilir”.
Qeyd edək ki, Türkiyədə valilər yerlərdə ali dövlət hakimiyyətini təmsil edirlər və hökumət tərəfindən təyin olunurlar.
banner

Oxşar Xəbərlər