“Xənnas” filmi həftəsonu satış rekordlarını qırdı - Fotolar
Azərbaycan kinematoqrafiya sahəsində ilk mistik
triller janrında olan, Elvin Abdullanın "Xənnas” qorxu filmi tamaşaçılara
təqdim olundu. Filmin çəkiliş prosesi
zamanı belə mətbuatın böyük diqqətini toplayan sözügedən film sözün hər
mənasında özünü doğrultdu. Belə ki, ölkəmizin ilk qorxu filmi kinosevərlərin
rəğbəti ilə qarşılaşıb. Bunu ilk növbədə sosial şəbədələrdəki paylaşımlara
əsaslanıb deyə bilərik. Daha çox gənc kütlənin diqqətini çəkən film haqqında
paylaşımlar, müsbət rəylər, bitib tükənmir.
Biz də filmin yalnız sosial şəbəkələrdəki paylaşımlarını deyil, eybi
zamanda satışlarındakı durumunu da öyrənməyə çalışdıq. Aydın oldu ki, Azərbaycan kinematoqrafiya
sahəsində ilk mistik triller janrında çəkilən filmə böyük tələbat var.
"Xənnas” filmi həftə sonu
Azərbaycan filmləri arasında ən çox baxılan filmlər sırasında "Top-10”-luqda
ilk yeri tutur.
"CinemaPlus”kinoteatrlar şəbəkəsinin baş direktoruZaur
Darabzadəilə əlaqə saxlayıb, ondan filmin satış göstəricisi barədə xəbər
aldıq. Z.Darabzadə bizimlə söhbətində bildirdi ki, "Xənnas” filmi çox uğurlu və
keyfiyyətli filmlər sırasında yer alıb: "Repertuarımıza yeni qatılan "Xənnas”
filminə tələbat həddən artıq çoxdur. Tələbat da ondan qaynaqlanır ki, bu film
çox maraqlıdır. Ona görə ki, fərqli janrdadır və maraqlı rejissor yozumu var.
İndiyə qədər kinoteatrlarımızda komediya, dram janrında çox filmlər çəkilib. Qorxulu janrda isə ilk dəfədir ki, film
çəkilir. Tamaşaçılarımız "Xənnas” filminə çox müraciət edir. Bu film sevilir. Sizə onu deyə bilərəm ki, "Xənnas”
filmi bizim kinoteatrlarımızda çox yaxşı izlənilir”.
Filmin rejissoru, müəllifi
Elvin Abdulla isə sualımıza cavab olaraq bildirdi ki, hər gün ona
kinoteatrlardan filmin satışı ilə bağlı
məlumat verilir: "Qaladan 4 gün keçməsinə baxmayaraq hələ də təbrik mesajları alıram və almaqda
davam edirəm. "Xənnas” filminə olan maraq həddən ziyadə artıqdır. Buna görə bütün dostlarıma təşəkkür edirəm. Sözün əsil mənasında filmin
tamaşaçılar tərəfindən rəğbətlə qarşılandı. Bu bir rejissor olaraq məni çox
sevindirir”.
Xəyalə Rəis