• cümə, 29 Mart, 10:37
  • Baku Bakı 5°C

Xarici dövlətlərin ali təhsil diplomlarının tanınması üçün sənəd qəbuluna başlanıldı

10.09.18 12:00 471
Xarici dövlətlərin ali təhsil diplomlarının tanınması üçün sənəd qəbuluna başlanıldı
Təhsil Nazirliyi xarici dövlətlərin ali təhsil sahəsində ixtisaslarının tanınması və ekvivalentliyinin müəyyən edilməsi (nostrifikasiyası) ilə bağlı sənəd qəbuluna başlayıb.
Nazirlikdən Trend-ə verilən məlumata görə, nostrifikasiya prosedurunda da yeniliklər və vətəndaşların istifadə rahatlığı məqsədilə dəyişikliklər həyata keçirilib.
Belə ki, sənədlərin yalnız elektron qaydadawww.ani.edu.gov.azinternet səhifəsi vasitəsilə rahat şəkildə təqdim olunması üçün sözügedən səhifədə müvafiq "Müraciət qaydaları” bölməsi yaradılıb, bütün tələb olunan sənədlər barədə ətraflı məlumat yerləşdirilib və eləcə də vətəndaşları ən çox maraqlandıran sualları özündə əks etdirən "Mütəmadi verilən suallar” bölməsi vətəndaşların istifadəsinə verilib:
"Vətəndaşların diqqətinə çatdırırıq ki, nostrifikasiya proseduru ilə bağlı bütün rəsmi məlumatlarıwww.ani.edu.gov.azinternet səhifəsi vasitəsilə əldə etmək mümkündür. Eyni zamanda müraciətçilərin diqqətinə çatdırırıq ki, Təhsil Nazirliyi nostrifikasiya proseduru çərçivəsində sənəd qəbulu ilə bağlı heç bir şirkətlə əməkdaşlıq etmir və bu şirkətlərin fəaliyyətinə görə heç bir məsuliyyət daşımır".
banner

Oxşar Xəbərlər