Xankəndi aeroportunun istifadəyə verildiyi deyilir

Xankəndi aeroportunun istifadəyə verildiyi deyilir

Siyasət
01 Oktyabr 2012, 16:44 1201
Ermənistan işğal edilmiş Dağlıq Qarabağ ərazisindəki Xankəndi şəhərində aeroportun istifadə verildiyini bəyan edib. Bu barədə Trend Ermənistan KİV-ə istinadən məlumat verir.

Buna qədər tezliklə Yerevandan Xankəndiyə və əks istiqamətə uçuşlara başlanılacağı planlaşdırılırdı.

"Xankəndində aeroportun istismara verilməsi Beynəlxalq Mülki Aviasiya haqqında Konvensiyanın (1944-cü il dekabrın 7-də imzalanıb) açıq şəkildə pozulmasıdır", - bunu Trend-ə Azərbaycan xarici işlər nazirinin müavini Araz Əzimov deyib.

Əzimov qeyd edib ki, bununla əlaqədar Azərbaycan Çikaqo Konvensiyasının tətbiq edilməsi ilə bağlı hüquqi müstəvidə işi gücləndirəcək.