AZE | RUS | ENG |

“Xalq Əmanəti”ndən yeni nəşr təqdim olunacaq - Fotolar

“Xalq Əmanəti”ndən yeni nəşr təqdim olunacaq - Fotolar
Əməkdar Rəssam Ələkbər Rzaquliyevin həyat və yaradıcılığına həsr olunan bədii albomun təqdimatı və əsərlərindən ibarət sərginin açılışı keçiriləcək.

Xalq Bankın "Xalq Əmanəti” layihəsinin on yeddinci nəşri Azərbaycan milli qrafika sənətinin sütunlarından biri, Əməkdar rəssam Ələkbər Ələsgər oğlu Rzaquliyevin (1903-1974) həyat və yaradıcılığına həsr olunub.

Azərbaycan milli qrafika sənətinin banilərindən biri sayılan Əməkdar rəssam Ələkbər Ələsgər oğlu Rzaquliyev 1903-cü ildə Bakıda, İçərişəhərdə dünyaya göz açıb. Bədii təhsilini Bakıda, sonra isə Moskva şəhərində, Ali Bədii-Texniki Emalatxanalarında (VXUTEMAS) alıb. 

O, Moskvada əsərlərini sərgiləyən ilk azərbaycanlı rəssam idi. Öyrəndiklərini gənc həmvətənləri ilə bölüşür, sənətdə onlara dəstək olmağı özünə borc bilirdi. Bakıda yerli rəssamların sərgilərinin təşkilində fəal iştirak edir, öz işlərini də nümayiş etdirirdi. 

Ələkbər Rzaquliyev amansız repressiya burulğanının ilk dalğasının qurbanı olur, o, 1928-ci ildə həbs olunur və həyatının iyirmi beş ilini islah-əmək düşərgələrində keçirir.  53 yaşında bəraət alaraq sürgündən dönən sənətkar linoqravüra texnikasını dərindən mənimsəyir. 

Rəssam hər zaman vaxt azlığını hiss edir və daim itirilmiş illərini, qaçırılmış məqamları geri döndərmək, illərlə düşündüyü planları həyata keçirmək, yaddaşının dərinliklərində qoruyub saxladığı təsvirləri kağıza köçürmək üçün tələsir. Emalatxanasında 15-16 saat yorulmadan işləyən rəssam gördüklərini, yaşadıqlarını, həyatının müxtəlif mərhələlərinin ovqatını tamaşaçıya ötürmək, onunla bölüşmək istəyirdi. 

Ömrünün qalan hissəsini linoqravüraya həsr edən rəssam "Köhnə Bakı”, "Tələbəlik illəri”, "Azərbaycan balıqçıları” silsilələri, Solovki adalarına, doğma vətənin mənzərələrinə, müasirlərinə həsr olunmuş çoxsaylı əsərlər yaradıb. Onun "Köhnə Bakı” silsiləsi XX əsrin əvvəllərinin, insanların yaşayış və məişətinin ən müfəssəl panoramıdır. Bakı və Moskvada keçirilən fərdi sərgilərlə yanaşı, Rzaquliyevin linoqravüraları dünyanın bir çox ölkələrində təşkil edilən qrup sərgilərində nümayiş olunub. 

Rəssamın sənəti bu gün də yüksək qiymətləndirilir, onun yaratdığı obrazlar  və əsərlər Azərbaycan xalqının mədəniyyətini təcəssüm etdirən ən dəyərli nümunələrdəndir.

Rəssamın əsərlərinin ekspozisiyası noyabr ayının 3-dən başlayaraq Xalq Bankın Əsas binasında 

(Ünvan: Bakı şəh., İnşaatçılar prospekti, 22L) fəaliyyət göstərəcək. 

Sərgini iş günləri saat 18:00-dan 21:00-dək, şənbə və bazar günləri isə saat 10:00-dan 16:00-dək seyr etmək mümkündür. Giriş sərbəstdir.    
 



Paylaş:

Facebook-da

Reklam

Xəbər lenti

Valyuta məzənnəsi

Tipi Ədə. Adı AZN
USD 1 1 ABŞ dolları 1.7000
EUR 1 1 Avro 1.9377
GEL 1 1 Gürcüstan larisi 0.6286
GBP 1 1 İngiltərə funt sterlinqi 2.1803
IRR 100 100 İran rialı 0.0040
SEK 1 1 İsveç kronu 0.1885
CHF 1 1 İsveçrə frankı 1.6992
KWD 1 1 Küveyt dinarı 5.5919
TRY 1 1 Türkiyə lirəsi 0.3178