Vüqar Həşimov Memorialında daha bir Azərbaycan derbisi
AZƏRTACxəbər verir ki, Vüqar Həşimovun xatirəsinə həsr olunan Şəmkir turnirində dördüncü turun partiyaları oynanmağa başlanıb: Aniş Qiri (Hollandiya) - Pendyala Harikrişna (Hindistan), Pavel Elyanov (Ukrayna) - Sergey Karyakin (Rusiya), Hou İfan (Çin) - Şəhriyar Məmmədyarov (Azərbaycan), Rauf Məmmədov (Azərbaycan) - Fabiano Karuana (İtaliya), Teymur Rəcəbov - Eltac Səfərli (hər ikisi Azərbaycan).
Üç turdan sonra aktivində 2,5 xal olan Fabiano Karuana liderlik edir. Aniş Qiri 2 xal toplayaraq ikinci yeri tutur. 3-8-ci yerləri (hərəyə 1,5 xalla) Pendyala Harikrişna, Rauf Məmmədov, Eltac Səfərli, Teymur Rəcəbov Sergey Karyakin və Şəhriyar Məmmədyarov bölüşür. Hou İfan 1 bal xal və Pavel Elyanov 0,5 xal toplayıb.
2014-ci ildə 27 yaşında həyatını itirən məşhur azərbaycanlı şahmatçı Vüqar Həşimovun xatirəsinə həsr olunan yarış Şəmkirdə üçüncü dəfə keçirilir. Əvvəlki iki turnirdə qalib dünya çempionu Maqnus Karlsen olub.Vüqar Həşimov Memorialı iyunun 4-də bitəcək.