Vneger jurnalistləri qınadı - Bizi doğramağa hazırsınız
"Arsenal”ın baş məşqçisi Arsen Venger İngiltərə kubokunun
yarımfinalında "Çelsi” ilə keçiriləcək oyundan əvvəl jurnalistlərin suallarını
cavablandırıb.
Kaspi.az xəbər verir ki, Venger jurnalistləri ədalətli olmamaqda
ittiham edib. O, mətbuat nümayəndələrinin "arsenal”a qarşı qərəzli olduğunu
bildirib:
"Finala çıxmaq klubdakı əhvalı dəyişəcəkmi? Mənim belə xəyalım yoxdur.
Ümumiyyətlə, əhvalı siz jurnalistlər dəyişirsiniz. Baxın, biz bir neçə dəfə
finallarda olmuşuq. Bu amil situasiyaya təsir edib? Yox.
Siz 25 il finalda olmayan komandanı vəsf edirsiniz. Bizi isə
doğramağa hazırsınız. Baxmayaraq ki, biz son 4 ildə İngiltərə kubokunu 3 dəfə
qazanmışıq. Belə-belə işlər. Biz bu tərzdə yaşamağa məcburuq”.
"Arsenal” "Çelsi”ni bu gün qəbul edəcək. "Stemford Bric”də keçirilən
ilk qarşılaşma 0:0 hesabı ilə başa çatıb.