Vətənə xəyanət nümunəsi - Leyla Yunus
Azərbaycana düşmən kəsilən və bəzən düşmənlə işbirliyinə gedən insanlar hər
zaman olub. Hətta onlar özlərinin bu xain əməllərinə haqq qazandırmağa da çalışıblar
və bəhanələrini səbəb kimi cəmiyyətə sırımağa çalışıblar. Lakin Azərbaycan
xalqı hər zaman sapı özümümüzdən olan baltaların kimliyini, hansı məqsədlərə
xidmət etdiyini birmənalı şəkildə görüb, bilir. Necə ki, Azərbaycan cəmiyyətinə
Leyla Yunus və onun məqsədləri barədə hər şey bəllidir.
B.MƏMMƏDLİ
"
Demokratiya”, "insan haqları” adı altında pərdələnən Leyla Yunusun əsas
məqsədinin küllü miqdarda pul qazanmaq olduğu sübutlarla ortadadır. "Siyasi
məhbus” adı alıtnda alver etməsi də onun necə bir "hüquq müdafiəçisi” olduğunu
göstərdi. Amma bütün bunlarla yanaşı, L.Yunusun erməni sevdalısı olduğu da hər
kəsə məlumdur və zaman-zaman yalan dolu fikirləri ilə Azərbaycan xalqının guya
ermənilərə qarşı tolerant olmadığını müxtəlif tədbirlərdə səsləndirib. Bir
sözlə, L.Yunus ermənidən daha çox erməni olub. Bu günlərdə Avropada keçirilən
tədbirdə L.Yunusa istinadən səsləndirilən fikirlər bunu bir daha təsdiqləmiş
oldu.
Belə ki, Avropa Parlamentinin binasında ''Ermənifobiya: Tarix və bu günün yenidən
aktuallaşan məsələsi'' mövzusunda tədbir keçirilib. Təbii ki, tədbirin mövzusu
guya ermənilərin azərbaycanlılar tərəfindən sıxışdırılması və əzilməsi ilə
bağlı olub. Ermənilər burada Leyla Yunusdan sitat gətirərək öz fikirlərini
gücləndirmək istəyiblər. Onlar L.Yunusun "Azərbaycanda 10 yaşlı uşaqlar
xristianların azərbaycanlıların düşməni olduğuna və ermənilərin qara geyimli
inancsız insanlar olduğuna inanmağa təhrik edilir” fikrini sitat kimi veriblər.
Özü də onun bu fikirləri ''Azərbaycan təhsilinin ayrılmaz hissəsi olan
Ermənistan'' başlıqlı təqdimatda göstərilib. Özünü hüquq müdafiəçisi adlandıran
Leyla Yunusun kimləri və nəyi müdafiə etdiyi beləcə bir daha aydın olur.
Mövzu ilə bağlı "Kaspi” qəzetinə açıqlamasında Milli Məclisin deputatı Elşən Musayev bildirdi ki, Leyla Yunus o
qədər yaramaz biridir və boya-başa çatdığı Azərbaycana qarşı o dərəcədə əks
mövqedədir ki, məlum aqressiyanın, kin-küdurətin səbəbini anlamaq olmur: "Üstəlik,
bu adam hər mərhələdə, həyatının hər dönəmində bənzər mövqe sərgiləyib.
Təsəvvür edin, hələ 1992-ci ildə Müdafiə Nazirliyində informatika və analitika
şöbəsinin rəsi işləyərkən yenicə baş vermiş Xocalı soyqırımı haqqında
informasiyaları təkzib edən, eyni zamanda həlak olan insanların sayını
dəfələrlə azaltmağa çalışan və nəhayət həmin dövrün qaynar informasiya
müharibəsində erməniyə açıqca və birmənalı dəstək verən insan məhz Leyla Yunus
olub”.
E.Musayev vurğuladı ki, o dönəmdə Qarabağda keçirilən tədbirlərin birində
ermənicə son dərəcə sərbəst danışan, fəqət Azərbaycan dilinə gəldikdə, "mən bu
dillə yalnız söyüş söyə bilirəm” kəlməsini də dilinə gətirən adam Leyla Yunus
olub: "Bundan o tərəfə nə var ki? Bundan o yana ləyaqətsizlik etmək
mümkündürmü? Ona görə həmin anti-milli məxluqun Avropa Parlamentində təşkil
olunan "Ermənifobiya: Tarix və bu günün yenidən aktuallaşan məsələsi”
panelindəki xüsusi çıxışını təəccüblə qarşılamadım. Kimsə də qarşılamasın.
Çünki Leyla Yunusun mahiyyəti, xisləti budur. Adamn genetik erməni bağlılığı
var və demək ki, həmin genetika əsl gerçəyi, ədaləti, azərbaycanlı-erməni
qarşıdurması fonunda faktiki reallığı inkar etmək gücündədir. İnsan nə qədər
abırsız, həyasız olmalıdır ki, guya tərəfimizdən 10 yaşlı uşaqların
xristianlığa qarşı təhrik edildiyini söyləsin? Azərbaycanlı, müsəlman olan kəs
bu sözü dilinə gətirərmi? Təbii, yox. Leyla nəyinsə qısasını alır. Amma
bilinmir nəyin. Dövlət və millət düşməni olan bu adam türmədə yatanda ilan dili
çıxarırdı, məktublar ünvanlayırdı, guya səhvini anladığını bildirirdi, imdad diləyirdi,
saxta xəstəliyi ilə imitasiya edirdi. Sonda öz vəkili də mətbuat konfransı
keçirib dedi ki, bu adam saxtakardır, xalq düşmənidir. Hətta vəkil onunla olan
münasibətlərdən sonra necə şokda idisə, Leylanın ifşası haqda kitab belə yazdı,
sonra həmin kitabın təqdimatını keçirdi. Əlqrərəz, Leyla Yunus kimi vətən
xainlərindən hər pislik, hər yamanlıq gözləməyə dəyər. Bu cür xainlərin cavabı
daim verilməlidr. Belələrinə kim olduqlarını davamlı şəkildə xatırlatmaq
lazımdır”.
Hüquq müdafiəçisi Sahib Məmmədov Avropa Parlamentindəki
toplantıya toxunaraq qeyd etdi ki, da L.Yunusun burada cəfəng fikirləri yer
alıb: "Guya Azərbaycanda 10 yaşına qədər uşaqları ermənilərə, o cümlədən
xristianlara nifrət ruhunda tərbiyə edilir və bu, dərs vəsaitlərinə salınıb.
Leyla Yunus hələ Azərbaycanda olanda, Milli Məclisdə Avropa Şurasının sosial
komitəsinin ümumi toplantısında çıxışında ermənilərə özünü göstərdi ki, bizim
dərsliklərdə ermənilərə nifrət aşılanır, ancaq erməni dərslikləri barədə bir
kəlmə belə danışmadı. O zaman təhsil naziri Misir Mərdanov idi, o da həmin
toplantıda iştirak edirdi, dedi ki, bizim dərsliklərdə belə bir şey yoxdur,
istəsəniz, komissiya yaradılsın, Azərbaycanla Ermənistanın dərslikləri analiz
edilsin, görək kim nə yazır? Onda Leyla Yunus hay-küy saldı. Onu qeyd edim ki, Leyla
Yunus bu mövzunu daim gündəmdə saxlayır, rəfiqəsi Laura Bağdasaryanla birgə
saytları da var, hər zaman Azərbaycana qarşı böhtanlar yağdırır, guya
azərbaycanlıların ermənilərə nifrət etməsi ilə bağlı propaqanda maşını var və
sair. Ermənilərin azərbaycanlılara qarşı törətdiyi əməlləri Leyla Yunus azərbaycanlıların
üstünə yıxır. Avropa Parlamentindəki toplantıda da ənənəvi bəyanatla çıxış
edib”.
S.Məmmədov hesab edir ki, separatçı satqın Fəxrəddin Abbaszadənin tutulub
gətirilməsi Haaqada separatçı qrupun, Çexiyada ermənipərəst PİN təşkilatına
bağlı olan şəbəkənin, Əkrəm Əylislinin, Leyla Yunusun fəallaşmasına səbəb olub:
"Əlikram Hümbətov da Ermənistan KİV-lərində Fəxrəddin Abbaszadə ilə bağlı
bədnam bəyanatla çıxış elədi, Azərbaycanda Contact.az saytı və "Azadlıq”
qəzetinin elektron versiyası Əlikrama yumşaq münasibətlə bunu yayımladı,
Hollandiyada yaşayan siyasi mühacir kimi təqdim etdi. Vaxtilə Norveçin
Azərbaycanda səfiri olmuş Steynar Gil yazını paylaşıb, Azərbaycanı ittiham edib.
Özünü guya Azərbaycanda demokratiyanın dostu kimi tanıdırdı, müxalifətlə isti
münasibətləri vardı. Maraqlıdır ki, indiki məqamda ermənipərəst qüvvələrin qarayaxma kampaniyasının
fokusunda Azərbaycanın xristianlığa qarşı olduğu əsas götürülüb. Halbuki Azərbaycan
bir nömrəli tolerant ölkələrdəndir, konfensiyalararası barışın mərkəzidir.
Təəssüf ki, hədyanlar yayırlar, bunun üçün Əkrəm Əylisli, Leyla Yunus, Arif
Yunus, Styenar Gil kimi adamlardan istifadə edirlər”.
B.MƏMMƏDLİ