Bakı 24°C
Vengerə görə “Arsenal”a nifrət edir
Emmanuel
Adebayor "Arsenal”dan ayrılaraq, "Siti”yə keçməsinin səbəbləri barədə danışıb.
Kaspi.az xəbər
verir ki, "Arsenal” azarkeşləri "Siti”yə keçdiyinə görə, Adebayoru satqın
adlandırmışdılar. Hazırda karyerasını Türkiyədə davam etdirən futbolçu bildirib
ki, "Arsenal”ı məhz baş məşqçi Arsen Vengerin təkidindən sonra tərk edib:
"Vengerin
otağında onunla görüşdüm. O, mənə dedi ki, özünə yeni komanda tap. Mən isə
qalmaq istədiyimi bildirdim. Venger dedi ki, sənə heç bir şans verməyəcəm, ya
getməlisən, ya da ehtiyatda qalacaqsan. Bundan sonra "Siti”nin təklifini qəbul
etmək məcburiyyətində qaldım.
Bir neçə gündən
sonra isə Arsen açıqlama verdi ki, guya mən "Siti”ni pula görə seçmişəm.
Azarkeşlər də əleyhimə qalxdılar. O gündən "Arsenal”a nifrət edirəm”.
Adebayor "Arsenal”da 2006-2009-cu illərdə çıxış
edib. O, "topçular”ın heyətində 142 oyun keçirib, 62 qol vurub.
