Vaterpolda da belə məğlubiyyət olar?
Cənubi Koreyada vaterpol üzrə dünya çempionatı keçirilir.
Kaspi.az xəbər verir ki, çempionatda mundiallar tarixində rekord
qeydə alınıb. Macarıstan yığması meydan sahiblərinə 64:0 hesabı ilə qalib
gəlib.
Məlum olub ki, Cənubi Koreya yığmasının heyətində çıxış edənlər
vaterpolçular olmayıb. Onlar sabiq üzgüçülərdir. Təxminən ay yarım əvvəl bir
yerə yığışıblar. İlk məşqlərini isə iyunun 2-də keçiriblər.
Maraqlıdır ki, Cənubi Koreya yığmasının baş məşqçisi komandası ilə
qürur duyduğunu bildirib. O deyib ki, növbəti qarşılaşmada yetirmələrinin ilk
qolu vuracaqlarına inanır.
Cənubi Koreya növbəti görüşdə Rusiya ilə qarşılaşacaq.