AZE | RUS | ENG |

Vaşinqtonda dördüncü Trans-Xəzər Forumu keçirilib

Vaşinqtonda dördüncü Trans-Xəzər Forumu keçirilib
Xəzər Araşdırmalar Mərkəzinin və Azərbaycan Respublikasının Amerika Birləşmiş Ştatlarındakı səfirliyinin təşkilatçılığı ilə ABŞ-ın Vaşinqton şəhərində dördüncü Trans-Xəzər Forumu keçirilib.
Nəqliyyat, Rabitə və Yüksək Texnologiyalar Nazirliyindən Trend-ə verilən məlumata görə, forumun əsas məqsədi Xəzər hövzəsi ölkələrində nəqliyyat sahəsində həyata keçirilən layihələrin, Şərq-Qərb nəqliyyat dəhlizi üzərindən Çin-Avropa və əks istiqamətində nəqliyyat daşımalarının inkişaf etdirilməsi, o cümlədən region üzərindən keçən nəqliyyat dəhlizlərinin potensialının artırılması ilə bağlı müzakirələrin keçirilməsi olub.
2016-cı ildən ardıcıl olaraq hər il keçirilən forum Birləşmiş Ştatların siyasət və biznes liderlərini və Trans-Xəzər dəhlizi ölkələrinin nümayəndələrini strateji tərəfdaşlığın artırılması, biznes, ticarət və investisiya imkanlarının müzakirəsi üçün bir araya gətirir.
Azərbaycan tərəfindən tədbirdə Nəqliyyat, Rabitə və Yüksək Texnologiyalar Nazirliyi, nazirliyin yanında Dövlət Dəniz Administrasiyası, Bakı Beynəlxalq Dəniz Ticarət Limanı, Xəzər Dəniz Gəmiçiliyi, həmçinin Azərbaycandakı Amerika Ticarət Palatasının (AmCham Azerbaijan) nümayəndələri iştirak edib.
Tədbirdə yuxarıda qeyd olunan məsələlərlə yanaşı, Xəzər dənizi üzərindən Şərq-Qərb marşrutu boyunca ticarətin asanlaşdırılması, regional ticarətin və biznesin genişləndirilməsi, həmçinin enerji sahəsində əməkdaşlıq məsələləri müzakirə olunub.
Forumda iştirakçılara ölkəmizdə nəqliyyat sahəsində həyata keçirilən beynəlxalq əhəmiyyətli layihələr, nəqliyyat daşımalarının asanlaşdırılması, sərhəd keçid və gömrük prosedurlarının sadələşdirilməsi, daşıma tariflərinin uyğunlaşdırılması, İKT-nin yük və sərnişin daşımalarında tətbiqi və bu sahədə son yeniliklərlə bağlı ətraflı məlumat verilib.



Paylaş:

Facebook-da

Xəbər lenti

Valyuta məzənnəsi


Tipi Ədə. Adı AZN
USD 1 1 ABŞ dolları 1.7
EUR 1 1 Avro 1.9164
GEL 1 1 Gürcüstan larisi 0.6204
GBP 1 1 İngiltərə funt sterlinqi 2.1547
IRR 100 100 İran rialı 0.004
SEK 1 1 İsveç kronu 0.1791
CHF 1 1 İsveçrə frankı 1.7099
KWD 1 1 Küveyt dinarı 5.5942
TRY 1 1 Türkiyə lirəsi 0.2892