Bakı 24°C
Vahid informasiya və xidmət mənbəyi
"Balansı öyrənmək üçün tez-tez Məlumat Mərkəzinə
zəng edirəm” kimi sözləri mobil telefon istifadəçilərindən tez-tez
eşidirik. Məsələn, Bakcell istifadəçiləri öz suallarına cavab almaq üçün Müştəri Xidmətlərinə, ya da "555” Məlumat Mərkəzinə zəng
etməli idilər. Bakcell Mobil Operatorunun yeni istifadəyə verdiyi "Mənim Bakcell”im mobil tətbiqi abunəçiləırin
işini xeyli asanlaşdıracaq, onlar öz suallarına cavab almaq üçün yalnız bir
applikasiyadan istifadə edə biləcəklər.
Komptürdən my.bakcell.com səhifəsinə daxil olub "Mənim Bakcellim”də
qeydiyyatdan keçməklə yeni mobil nömrəmə yükləyib sınaqdan keçirəndə müştərinin
rahatlığına hesablanan yenilik müşahidə etdim.
Smartfon istifadəçiləri
isə "play store”dən və ya "appstore”dən "Mənim Bakcellim” mobil tətbiqini yükləyə
bilərlər.
Səhifədə hər bir
abonent özü və nömrəsi haqqında məlumatlarla tanış ola, tarifi, statusun aktiv
olub-olmamasını, cari internet, SMS qalığını, zəng dəqiqələrinin qalığını öyrənə
bilər. Tariflər, xidmətlər, hesabı artırmaq mümkündür. Nömrə ilə bağlı bəzi
ayarları tənzimləmək olur. Kontur bitdiyi vaxt nömrənin birtərəfli və ya ikitərəfli
bağlı olması haqqında da məlumatı əldə etmək mümkündür. Nömrə aktiv olmayanda yeni
mobil tətbiq vasitəsi ilə onu aktivləşdirmək, yəni balansı artırmaq mümkündür.
Xidmətin digər
bir üstünlüyü ondadır ki, istifadəçinin qoşulduğu bütün əməliyyatların siyahısı
orada yer alıb. İstifadə tarixçəsi bölümündə bəlli müddət ərzində müştərinin sərfiyyatını
görmək mümkündür. Yəni neçə dəqiqə zəng olunub, balansdan nə qədər istifadə
edilib, hansı hissəsi şəbəkə daxili və xarici zənglərdir, hər birinə görə nə qədər
məbləğ çıxılır, SMS sərfiyyatı nə qədər olub. Müştəri 1 günü, 7 və ya son 30
günü seçərək bu müddət ərzində təkcə sərfiyyatla deyil, həyata keçirdiyi bütün əməliyytlar
haqqında data ilə tanış ola bilər. Plastik kart vasitəsi ilə müştərinin balansını
artırması mümkündür.
Əməliyyatlar
tarixçəsi bölümündə müştəri etdiyi əməliyyatları görə bilir. Müştərilərin təhlükəsizliyi
ilə bağlı məsələlər də nəzərdə tutulub. İzahlı qaimə çıxışı əldə etmək üçün
müştəri şəxsiyyət vəsiqəsinin FİN-kodunu daxil etməlidir. Bu izahlı qaimə üçün
tələb olunan təhlükəsizlik qaydalarından biridir.
Qeyd edim ki,
yeni mobil tətbiqin üstünlüyü müştəriləri narahat edən suallara bir mənbə tərəfindən
cavab verilməsidir. Abunəçilər onları maraqlandıran bütün suallara təkcə bu
mobil tətbiqi telefonlarına yükləməklə cavab tapa biləcəklər.
Yeni
tətbiqin endirilməsi ilə müştərilər daha yaxşı xidmətdən istifadə edə bilərlər.
Bir sözlə, bütün
məlumatların əldə edilməsi bir mənbədən idarə olunacaq. Bunu Mobil Operatorun
müştərilərin rəqəmsallaşdırılması istiqamətində atdığı yeni addım kimi dəyərləndirmək
olar. Mobil tətbiq və səhifənin üç dildə mövcud olması müştərilərə məlumatları
daha yaxşı anlamağa kömək edəcək. Müştəri dillərə müvafiq olaraq məlumatları rahat
əldə edəcək.
Yeni mobil tətbiq
abonentləri maraqlandıran və narahat edən bütün suallara cavab verə bilərsə, bunu yalnız Mobil
Operatorun müştərilərin rahatlığı istiqmətində yeni uğuru kimi dəyərləndirmək
olar. Yəni bundan sonra abonentin ucqar
bir kənddən Bakıya və ya hər hansı rayon mərkəzinə - Müştəri Xidmətlərinə
izahlı qaimədən ötrü gəlməsinə ehtiyac qalmayacaqsa, onda abonent əli altında
olacaq mükəmməl informasiya və xidmət mənbəyindən niyə yararlanmasın?
Təranə Məhərrəmova
