Uşaqlara sevinc bəxş edək...
Binəqədi Rayon İcra Hakimiyyətinin dəstəyi, Yeni Azərbaycan
Partiyası Binəqədi Rayon təşkilatı və Binəqədi qəsəbə Bələdiyyəsinin
təşkilatçılığı ilə 28 may – Respublika günü və 1 iyun – Uşaqların Beynəlxalq
Müdafiəsi günü münasibətilə sosial aksiya keçirilib. Aksiyaya əsasən, Əlil Uşaq və Gənclərlə
İş Mərkəzinin nəzdində olan 50-dək fiziki qüsurlu uşaq və yeniyetmə may ayının
29-da Quba şəhərinə ekskursiya edib. Quba şəhərinin mərkəzində səhər yeməyi
yedikdən sonra onlar Qırmızı qəsəbə, Quba Tarix Diyarşunaslıq Müzeyi ilə tanış
olublar. Daha sonra
isə Quba Soyqırımı Memorial Kompleksində olan Mərkəz üzvləri ermənilərin əsrlər
boyu Azərbaycan xalqına qarşı tutduları təcavüzkar mövqe və törətdikləri
soyqırımın qalıqlarını izləyiblər. Yenidən şəhər mərkəzində nahar edərək, layihə iştirakçıları
bu dəfə Nüqədi gölünə gediblər. Ecazkar Nüqədi gölünün sahillərində piknik edən
iştirakçılar müxtəlif oyunlar oynayıb, yarışlar keçiriblər.
Qaliblər müxtəlif hədiyyələr
qazanıblar.