Ukraynada altı ay ərzində əhali 143,1 min azalıb

Ukraynada altı ay ərzində əhali 143,1 min azalıb

Təfsilat
20 Avqust 2019, 12:51 11944
Bu ilin altı ayı ərzində Ukrayna əhalisinin sayı 143,1 min nəfər azalıb.
AZƏRTAC Ukraynanın Dövlət Statistika Xidmətinin məlumatına istinadla xəbər verir ki, iyulun 1-nə olan statistik məlumatda ölkə əhalisinin sayı 42 milyon 10 min nəfər göstərilir. Ölkədə hər 100 nəfərin ölümü müqabilində cəmi 49 doğuş qeydə alınıb. Yanvarın 1-nə olan göstəricidə isə Ukraynada 42 milyon 153 min 2 nəfər əhali olub.
Qeyd edək ki, Ukraynada əhalinin azalma tendensiyası bir neçə ildir davam edir. Beynəlxalq Valyuta Fondunun proqnozuna görə, 2024-cü ildə Ukraynada əhalinin sayı 41 milyon 47 min nəfər olacaq. Bu da o deməkdir ki, 6 ildə ölkə əhalisinin sayı 1 milyon azalacaq. Təkcə 2018-ci ildə Ukrayna əhalisi 233 min azalıb.