Ukrayna Rusiyada keçiriləcək mundialdan imtina etdi
Ukraynanın dövlət televiziyası 2018-ci ildə Rusiyada keçiriləcək
dünya çempionatının yayımlamaqdan imtina edib.
Kaspi.az xəbər verir ki, bu barədə telekanalın rəhbəri Zurab Alasaniya
məlumat verib. O, bildirib ki, hətta Ukrayna yığması DÇ-nin final mərhələsində
iştirak etsə də, mövqelərini dəyişməyəcəklər:
"Həttat Ukrayna yığması final mərhələsinə vəsiqə qazansa, hakimiyyət
yığmanın Rusiyaya getməsi barədə qərar qəbul etsə də, mövqeyimi dəyişmək
niyyətində deyiləm. İstefaya getməli olsam belə. Biz bu mundialı
göstərməyəcəyik.
Mən futbol funksionerlərinin də mövqeyini öyrəndim. Onların hamısı
"Allah elə etsin ki, yığma mundiala vəsiqə qazanmasın” dedi.
Dünya çempionatı iyunun 14-dən iyulun 15-ə qədər Rusiyanın 11
şəhərində keçiriləcək.