Bakı 14°C
UEFA dəyişir, La Liqa rəhbəri etiraz edir
İspaniya La
Liqasının rəhbəri Xaver Tebas UEFA-nı tənqid edib.
Kaspi.az xəbər
verir ki, bir müddət əvvəl yayılan məlumata görə, UEFA Çempionlar Liqasının
formatını dəyişmək istəyir. Avropanın ali futbol qurumu ÇL-in oyunlarının
istirahət günlərində keçirilməsinə çalışır.
UEFA bununla da ÇL-in tamaşaçı auditoriyasını
artırmaq niyyətindədir. Üstəlik, qurum 4 komandalı 8 qrupu da 8 komandalı 4
qrupla əvəz etməyi planlaşdırır. Bu plan isə La Liqanın rəhbərini qane etmir:
"UEFA müzakirələri
bağlı qapılar arxasında aparır ki, başqaları onların dəyişikliklərindən xəbər
tutmasın. Onların bu islahatları milli çempionatları təhdid altına salır. Bu
model nəinki milli çempionatları, UEFA turnirlərini də gözdən salacaq. UEFA-da
bu biznesdən baş çıxarmırlar”.
