Tövbə etdi və Maradonadan üzr istədi
"Napoli”nin yarımmüdafiəçisi Lorentso İnsinye maraqlı etirafla gündəmə
gəlib.
Kaspi.az xəbər verir ki, İnsinye uşaqlıq sevgisi ilə bağlı danışıb və
Argentina futbolunun əfsanəsi Dieqo Maradonadan üzr istəyib. O, atasından da
bağışlanmasını xahiş edib:
"Mən Allahdan üzr istəməklə başlamaq istəyirəm. O Allah isə Dieqo
Maradonadı. Bundan sonra isə atamdan məni bağışlamağı xahiş edirəm. Çünki mən 8
il günah işlətmişəm.
Yenicə futbolla məşğul olmağa başlayanda ancaq və ancaq R9
butsularından istəyirdim. Bu butsuları fenomen Ronaldo geyinirdi. Atama ancaq bunu deyirdim: "Xahiş edirəm,
mənə Ronaldonun butsularından al”.
Atamın isə bəyəndiyi bir futbolçu vardı, o da Maradona idi. Maradona
bütün dünyada əfsanə, Neapolda isə Allah hesab olunurdu. Atam mənə sadə qara
butsular almaq istəyirdi. Hansı ki, Maradona geyinirdi.
Mən onun oyununu görməmişdim, çox gənc idim və atama deyirdim ki,
səhvə yol verirsən, Ronaldo ən yaxşıdır.
Bağışla, ata, bağışla, Dieqo. Böyük hörmət bəslədiyim Ronaldo, mən
artıq böyümüşəm və tövbə etməliyəm. Maradona dünyanın ən böyük futbolçusudur”.