Türklərin Ukrayna şübhəsi
DÇ-2018-in seçmə mərhələsi çərçivəsində baş tutmuş Ukrayna - Türkiyə
oyunundakı (2:0) hakim qərarları narazılığa səbəb olub.
Kaspi.az xəbər verir ki, Türkiyə Futbol Federasiyası matçın baş
hakimi Fernandes Borbalan və köməkçilərinin işindən narazı qalıb. Federasiya
ispaniyalı hakimlər briqadasının işi ilə bağlı FİFA-ya şikayət edəcək. Bu
barədə məlumatı Türkiyə mətbuatı yayıb.
Xəbərdə şikayət ərizəsində ötən il Çempionlar Liqasının qrup
mərhələsi çərçivəsində baş tutmuş "Dinamo” (Ukrayna) - "Beşiktaş” (Türkiyə)
qarşılaşmasına (6:0) da yer veriləcəyi qeyd edilib.
Həmçinin, federasiyanın Ukrayna təmsilçilərinə qarşı oyunlarda qeydə
alınmış hakim səhvlərini nəzərə alaraq, bu ölkənin ədalət qoruyucuları üzərində
müəyyən təsirə malik olduğunu iddia etdiyi vurğulanıb.
Xatırladaq, ki Ukrayna - Türkiyə oyununda meydan sahiblərinin hər iki
qolu qaydalar çərçivəsində vurulmayıb. Belə ki, ilk qolda Andrey Yarmolenko
oyundankənar vəziyyətdə olub. İkinci qol zamanı isə Yevgeni Konoplyankanın
ötürməsi zamanı top qapı xəttini tərk etmişdi.