Türkiyədə polislə yürüşçülər arasında toqquşmalar baş verir

İstanbulda polis və yürüş iştirakçıları arasında toqquşmalar başlayıb. Bu barədə Trend "Haber7" telekanalına istinadən məlumat verir.
Yürüş iştirakçıları polisə daş və içərisində alışdırıcı maye olan şüşə qablar atıblar. Polis nümayişçilərə qarşı gözyaşardıcı qazdan istifadə edib.
Qeyd edək ki, bu gün Türkiyədə 1 May yürüşləri keçirilir. Hazırda İstanbulda polisi Taksim meydanına bütün girişləri bağlayıb.