Bakı 25°C
Türkiyədə meşə yanğınında 80 hektarlıq sahə kül olub
Türkiyənin Balıkesir şəhərinin Marmara adasında avqustun 12-si günorta saatlarından etibarən başlayan meşə yanğınları 11 saat davam edən yanğınsöndürmə əməliyyatından sonra söndürülüb.
AZƏRTACxəbər verir ki, hadisə nəticəsində 80 hektarlıq meşə sahəsi kül olub.
Yanğının yaşayış ərazilərinə çox yaxın bölgədə baş verməsi və güclü küləyin təsirindən böyüməsi yanğınsöndürənlərin işində çətinliklər yaradıb.
Son məlumata görə, hadisə nəticəsində iki ev və Türkiyənin jandarma qüvvələrinə aid bir neçə qərargah yanıb, 60 ev tamamilə boşaldılıb.
Yanğın nəticəsində dördü yanğınsöndürən olmaqla, 19 nəfər tüstüdən zəhərlənib. Çox sayda heyvan tələf olub.
