AZE | RUS | ENG |

Türk Şurasının bütün üzvləri Azərbaycanın ərazi bütövlüyünü tanıyır

Türk Şurasının bütün üzvləri Azərbaycanın ərazi bütövlüyünü tanıyır
Fuad Muradov: Üzv ölkələr Azərbaycanın işğal altındakı torpaqlarının azad olunmasını istəyir

Azərbaycan Prezidenti İlham Əliyev ilə Türkiyə Prezidenti Rəcəb Tayyib Ərdoğanın dostluq və qardaşlıq münasibətlərinin yaratdığı səmərəli əməkdaşlığın bəhrəsi bütün türk dünyasında böyük bir nailiyyət kimi qəbul olunur.

Bu fikri AZƏRTAC-a müsahibəsində Diasporla İş üzrə Dövlət Komitəsinin sədri Fuad Muradov söyləyib. Komitə sədri diqqətə çatdırıb ki, Türkdilli Dövlətlərin Əməkdaşlıq Şurasının diaspor məsələlərinə məsul dövlət qurumlarının rəhbərlərinin Ankarada keçirilən III iclası uğurla başa çatıb. Tərəflər ümumi layihələrin təşkili, birgə fəaliyyət, üzv ölkələrlə bağlı həqiqətlərin dünyaya çatdırılması və s. məsələlərdə ortaq fikirdədirlər.

Fuad Muradov deyib: "Ankaradakı iclasda bütün türk dünyasının ağrılı yeri olan Dağlıq Qarabağ münaqişəsi barədə fikirlərimizi bir daha çatdırdıq. Türk Şurasının bütün üzvləri Azərbaycanın ərazi bütövlüyünü və sərhəd toxunulmazlığını tanıyır. Onlar Azərbaycanın işğal altındakı torpaqlarının azad olunmasını və hərbi təcavüzə məruz qalan ərazilərimizdə vəhşiliklərə son qoyulmasını istəyirlər”.





Paylaş:

Facebook-da

Reklam

Xəbər lenti

Valyuta məzənnəsi

Tipi Ədə. Adı AZN
USD 1 1 ABŞ dolları 1.7000
EUR 1 1 Avro 1.9267
GEL 1 1 Gürcüstan larisi 0.6343
GBP 1 1 İngiltərə funt sterlinqi 2.1743
IRR 100 100 İran rialı 0.0040
SEK 1 1 İsveç kronu 0.1877
CHF 1 1 İsveçrə frankı 1.6884
KWD 1 1 Küveyt dinarı 5.5875
TRY 1 1 Türkiyə lirəsi 0.3163