Tunisdə prezident seçkilərində 26 namizəd iştirak edəcək

Tunisdə prezident seçkilərində 26 namizəd iştirak edəcək

Təfsilat
17 Avqust 2019, 19:30 705
Tunisdə sentyabrın 15-də keçiriləcək növbədənkənar prezident seçkilərində 26 namizəd iştirak edəcək. AZƏRTAC Reuters agentliyinə istinadla xəbər verir ki, ölkənin Mərkəzi Seçki Komissiyası daha 96 namizədi qeydə almayıb. Lakin bildirilir ki, namizədlərin sayı arta bilər və yekun siyahı avqustun 31-də elan ediləcək.
Komissiyanın məlumatında qeyd olunur ki, ölkənin ən yüksək vəzifəsini tutmaq istəyənlərin arasında hazırkı Baş Nazir Yusif Çahed və prezidentliyə namizədliyini vermək üçün vəzifəsindən istefa vermiş Müdafiə naziri Əbdülkərim Zbidi də var.
 
İslamçı "Ennahdha” partiyasının namizədi isə vəkil Əbdülfəttah Mouro olacaq. Bu partiya hazırda ölkə parlamentində üstünlük təşkil edir.
Növbədənkənar seçkilər iyulun 25-də Tunisin 92 yaşlı Prezidenti Beji Kaid əs-Sebsinin vəfatından sonra təyin edilib. O, Şimali Afrikada demokratik yolla seçilən ilk dövlət başçısı olub.