Bakı 13°C
Tramp Kim Çen Inı “dahi şəxsiyyət” adlandırıb
ABŞ prezidenti Donald Tramp Şimali Koreya lideri Kim Çen Inı "dahi şəxsiyyət” adlandırıb. APA-nın "RİA Novosti”yə istinadən verdiyi xəbərə görə, D.Tramp bunu Britaniyanın "Daily Mail” nəşrinə müsahibəsində deyib.
"Mən onunla çox yaxşı yola gedirəm. O çox ağıllıdır, dahi şəxsiyyətdir. Çox şən və sərtdir, danışıqlar aparmağı yaxşı bacarır”, - deyə Tramp qeyd edib.
"Son 9 ay ərzində Şimali Koreyada nə ballistik, nə də nüvə sınaqları keçirilib”, - deyə D.Tramp əlavə edib.
Qeyd edək ki, tarixdə ilk ABŞ-KXDR sammiti iyunun 12-də Sinqapurda keçirilib.
