“Tort hazırdır, indi bizə albalı lazımdır”
"Napoli”nin baş
məşqçisi Karlo ançelotti Çempionlar Liqasının qrup mərhələsinin son turunda
"Liverpul”la keçiriləcək oyundan əvvəl fikirlərini bildirib.
Kaspi.az xəbər
verir ki, Ançelotti qrupdakı durumu analiz edib. O, "Enfild”də müdafiədə
oturmayacaqlarını da vurğulayıb:
"Hələ ki, işlərimiz
yaxşı gedir. Bizim kiçik üstünlüyümüz var. Tort hazırdır, indi bizə albalı
lazımdır.
Qrupdan çıxmaq
üçün son addımı atmalıyıq. Ancaq "Enfild”ə müdafiədə oturmaq üçün gəlməmişik.
Burda futbol oynamağı planlaşdırırıq”.
"Napoli” 9 xal
toplayaraq qrupda ilk sırada qərarlaşıb. "Liverpul”un 6 xalı var. "Liverpul”
qrupdan çıxmaq üçün "Napoli” ilə oyunda ya 1:0, ya da 2 top fərqi ilə qalib gəlməlidir.