“Tolerantlığın yaşadılması birlik və bərabərliyin zəmanətidir”
"Yeni Üfüq Mənəvi İrsin Təbliği İctimai Birliyi" ölkə boyunca "Mənəvi
dəyərlərin təbliği: necə və nə etməli?" adlı silsilə tədbirlərə start verib.
Birlikdən verilən məlumata görə, ilk tədbir Zaqatala rayonunda İslam Universitetində keçirilib. Tədbirdə çıxış edən "Yeni Üfüq” Mənəvi İrsin Təbliği İctimai Birliyinin"
sədri Sevinc Əzimbəyli bildirib ki, təşkilatın həyata keçirdiyi silsilə tədbirlərin əsas məqsədi ölkə vətəndaşlarına, xüsusilə gənclərimizə milli vətənpərvərlik ruhunun
aşılanmasını, mənəvi dirçəlişimizin yüksəklişinin ən əsas və müqəddəs prinsip kimi təqdim etməkdir: "Milli mənəvi dəyər hər bir xalqın irsində, milli mənəviyyatının nə qədər zəngin olmasından, həmin xalqın qədim tarixi kökə sahiblənməsindən xəbər verir.Çox sevindirici haldır ki, ölkəmizdə milli mənəvi dəyərlərimizin həqiqi təəssübkeşi Azərbaycan dövləti və Prezident İlham Əliyevdir". Tədbirdə iştirak edən Qarabağ Seyid Ocaqlarının rəhbəri, şərqşünas
Seyid Camal Əzimbəyli çıxış edərək söyləyib ki, milli mənəvi dəyərlərimizin
mühafizə olunması dövlət təhlükəsizliyimizin də qorunması deməkdir: "Azərbaycanda
mövcud olan milli və dinitolerantlığın yaşadılması xalqımızın birlik və bərabərliyinin zəmanətidir.
Unutmamalıyıq ki, mənəvi dəyərlərimizə sahiblənən ölkə gənci yad təsirlərdən daima
kənar olan vətənsevər, mükəmməl ölkə vətəndaşıdır. Radikal və ziyanlı
qüvvələrin ölkəmizdə birlik və bərabərliyimizin pozulmasına yönələn
addımlarının zərərləşdirilməsi naminə hər birimizAzərbaycan dövlətinin yanında olmalıyıq”.
Tədbirdə Zaqatala rayon ictimaiyyətinin nümayəndələri, dini icma rəhbərləri və
gənclər iştirak edib.