AZE | RUS | ENG |

Tokio ilə Seul arasında ixraca nəzarətlə bağlı müzakirələr aparılacaq

Tokio ilə Seul arasında ixraca nəzarətlə bağlı müzakirələr aparılacaq
Yaponiya hökuməti Cənubi Koreya ilə ixraca nəzarətin gücləndirilməsi ətrafında müzakirələr aparacağını bəyan edib.
AZƏRTAC xəbər verir ki, bu barədə NHK telekanalı məlumat yayıb.
Xatırladaq ki, bu ayın əvvəlində Cənubi Koreya Yaponiyanın atdığı addımla əlaqədar Dünya Ticarət Təşkilatına (DTT) şikayət proseduruna başlayıb. DTT-də həmin müraciətə baxılması qaydalarına müvafiq olaraq, Seul Tokiodan həmin məsələ ilə bağlı müzakirələrin təşkilini xahiş edib.
Yaponiyanın Ticarət naziri İsşu Suqavara bildirib ki, hökumət həmin sorğunu müsbət cavablandırmaq barədə qərar verib.
Qeyd edək ki, iyul ayında Yaponiya Cənubi Koreya üçün nəzərdə tutulan üç növ məhsulun ixracına nəzarəti gücləndirib. Həmin materiallar yüksək texnologiyalı məhsulların istehsalında istifadə edilir.
Əgər tərəflər məsələnin DTT-nin arbitraj komissiyasında baxılmasının qarşısını almaq istəyirlərsə, danışıqlar başladıqdan sonra 60 gün ərzində razılığa gəlməlidirlər.
Lakin hər iki tərəfin məsələ ilə bağlı fərqli mövqe nümayiş etdirməsi işin DTT-də müzakirəyə çıxarılacağını deməyə əsas verir.




Paylaş:

Facebook-da

Xəbər lenti

Valyuta məzənnəsi

Tipi Ədə. Adı AZN
USD 1 1 ABŞ dolları 1.7
EUR 1 1 Avro 1.8748
GEL 1 1 Gürcüstan larisi 0.5727
GBP 1 1 İngiltərə funt sterlinqi 2.1477
IRR 100 100 İran rialı 0.004
SEK 1 1 İsveç kronu 0.173
CHF 1 1 İsveçrə frankı 1.7055
KWD 1 1 Küveyt dinarı 5.5956
TRY 1 1 Türkiyə lirəsi 0.2873