AZE | RUS | ENG |

Təhsil Nazirliyi köçürmə prosesi ilə bağlı tələbələrə müraciət edib

Təhsil Nazirliyi köçürmə prosesi ilə bağlı tələbələrə müraciət edib
İyulun 17-dən indiyə qədər 3000-ə yaxın tələbə transfer.edu.az portalı vasitəsilə orta ixtisas və ali təhsil müəssisələrinə köçürülmək üçün müraciət edib. Təhsil Nazirliyinin sektor müdiri Sülhəddin Gözəlov deyib ki, bunlardan 2300-ü ali təhsil, 700-ə yaxını isə orta ixtisas təhsili müəssisələrinə köçürülmək istəyən tələbələrdir.
 
S. Gözəlov bildirib ki, tələbələr həm dövlət, həm də özəl ali təhsil müəssisələrinə köçürülə bilərlər.
 
Onun sözlərinə görə, xarici ali təhsil müəssisələrində qiyabi təhsil alanların Azərbaycanın ali təhsil müəssisələrinə köçürülməsinə icazə verilmir. Sektor müdiri əlavə edib ki, yalnız əyani təhsil alan, habelə İELTS, TOEFL imtahanları ilə xarici ali təhsil müəssisələrinə qəbul olunanların ölkənin ali məktəblərinə köçürülməsinə imkan verilir.
 
S. Gözəlov qeyd edib ki, fəaliyyəti dayandırılmış "Təfəkkür” Universitetinin tələbələri də transfer.edu.az portalına müraciət etməklə, istədikləri ali təhsil müəssisələrinə köçürülə bilərlər: "Təfəkkür” Universitetinin tələbələri də portala müraciət etməli, lazım olan sənədləri yükləməlidirlər. Portal 15 avqust tarixinə qədər fəaliyyət göstərəcək. Artıq az zaman qalıb. Köçürülmək istəyən tələbələrə müraciət edirəm ki, əgər təhsil aldıqları ali məktəbləri, ixtisasları dəyişmək istəyirlərsə portala müraciət etsinlər”. 




Paylaş:

Facebook-da

Reklam

Xəbər lenti

Valyuta məzənnəsi

Tipi Ədə. Adı AZN
IRR 100 İran rialı 0.0039
GEL 1 Gürcü larisi 0.6928
GBP 1 İngilis funt sterlinqi 2.2278
TRY 1 Türk lirəsi 0.3539
KWD 1 Küveyt dinarı 5.6155
SEK 1 İsveç kronu 0.1920
EUR 1 Avro 1.9794
CHF 1 İsveçrə frankı 1.6974
USD 1 ABŞ dolları 1.7000