“Təbabətin aktual problemləri - 2017” adlı elmi-praktik konfrans keçirilib - Fotolar
Bu gün
Azərbaycan Tibb Universitetinin (ATU) Terapevtik Klinikasında Azərbaycanın dövlət
müstəqilliyinin bərpasının 25-ci ildönümünə həsr olunmuş "Təbabətin aktual
problemləri - 2017” elmi-praktik konfransı keçirildi.
Konfransın
sədri, ATU-nun rektoru, professor Gəray Gəraybəyli bildirdi ki, bu təhsil ocağı
Azərbaycanın dövlət müstəqilliyinin bərpasının 25-ci ildönümünü yeni elmi
nailiyyətlərlə qarşılayıb: "2016-cı ildə ölkəmizin dövlət müstəqilliyinin bərpasının
25 ili tamam oldu, prezidentin sərəncamına əsasən, bu gün bütün ölkədə geniş
qeyd edildi. Bu münasibətlə Prezident, cənab İlham Əliyevin Sərəncamı, Təhsil
Nazirliyinin əmri, Azərbaycan Respublikası Səhiyyə Nazirliyinin müvafiq göstərişləri
əsas götürülərək, ATU-nun nəzdində yaradılmış təşkilat komitəsi də elmi-praktik
konfrans keçirmək qərarına gəldi. "Elmsiz tədris, tədrissiz elm yoxdur!” prinsipinə
riayət edən ATU-nun əməkdaşları daim bu ideyanı rəhbər tutaraq, tədrislə elmin
inteqrasiyasını yüksək səviyyədə aparmağa nail olublar”.
Rektor
G.Gəraybəyli həmçinin vurğuladı ki, ulu öndər 1998-ci il sentyabrın 28-də və
2000-ci il iyunun 19-da iki dfə ATU-ya gələrək, öz müdrik çıxışı ilə səhiyyə
işçilərini yeni nailiyyətlərə ruhlandırıb: "2002-ci ildə ümummilli lider
ATU-nun ilk klinikası olan Stomatoloji klinikanı yaratmaqla, tədris
klinikalarının möhkəm bünövrəsini qoydu. Bundan sonra ümummilli liderin layiqli
davamçısı cənab prezident İlham Əliyevin göstərdiyi diqqət və qayğı sayəsində
ATU-da daha üç klinika – Onkoloji, Tədris Terapevtik və Tədris Cərrahiyyə
klinikaları fəaliyyətə başladı. ATU-nun qarşısında duran əsas vəzifələrdən biri
də gənclərin elmi işlərə cəlb edilməsidir. Yəni, öndə duran məsələ rezidentlərin
və tələbələrin elmi axtarışlara marağını artırmaqdır”.
Konfrans
plenar məruzələrə davam etdi.
ATU-nun
I cərrahi xəstəliklər kafedrasının əməkdaşı Ömərov Taryel "Aşırı piylənməsi
olan xəstələrdə apardığımız bariatik cərrahi əməliyyatların nəticələri”,
Psixiatriya kafedrasının əməkdaşı Məmmədzadə Gülay "Depressiya – xərçəng xəstəliyinin
"maskalanmış” simptomu”, II cərrahi xəstəliklər kafedrasının əməkdaşı Abbasov Pərviz
"Qaraciyər transplantasiyasından sonra rast gəlinənin ağırlaşmaların
profilaktikasında portovenoz plastika üsullarının müqayisəli öyrənilməsi”,
ATU-nun Tədris Terapevtik Klinikasının əməkdaşı Quliyev Orxan "Böyrək
transplantasiyası olunmuş resipiyentlərdə arterial sərtlik və metabolik sindrom
arasındaki əlaqə” mövzularında məruzələrlə çıxış etdilər.
Konfranda
rektor, professor Gəray Gəraybəyli, konfransın həmsədrləri - elmi işlər üzrə
prorektor dos. Rauf Bəylərov, AMEA-nın müxbir üzvü I cərrahi xəstəliklər
kafdrasının müdiri Nuru Bayramov, II mamalıq-ginekologiya kafedrasının müdüri
prof. Hicran Bağırova, III cərrahi xəstəliklər kafedrasının müdiri prof.Məmməd
Nəsirov, I daxili xəstəliklər və reanimatologiya kafedrasının müdiri, prof. İspəndiyər
İsmayılov, II uşaq xəstəliklər kafedrasının müdiri prof. Amaliya Əyyubova,
nevrologiya və tibbi genetika kafedrasının müdiri prof. Şərif Mahalov, insan
anatomiyasının kafedrasının müdiri prof. Vaqif Şadlinski, əczaçılıq
texnologiyası və idarəçiliyi kafedrasının müdiri prof. MəhbubəVəliyeva, ümumi
gigiyena və ekologiya kafedrasının müdiri prof. Mirzə Kazımov iştirak edib.