Tatuya görə yığmadan qovulmasını tələb edirlər
İngiltərə
yığmasının futbolçusu Rahim Sterlinqin bədəninə döydürdüyü tatu etiraza səbəb
olub.
Kaspi.az xəbər
verir ki, Sterlinq ayağına M-16 silahını döydürüb. Bu da "Analar silaha qarşı”
təşkilatının etirazına səbəb olub.
Təşkilat Rahimin
yığmadan qovulmasını tələb edir. Təşkilatın 63 yaşlı sədri, oğlu güllələnmiş
Lyusi Koup məsələ ilə bağlı açıqlama verib:
"Sterlinq buna
görə utanmalıdır. Bu tatu qorxuncdu, sadəcə, biabırçılıqdı. Bu, odlu silahla qətlə
yetirilmiş gənclərin ruhuna qarşı hörmətsizlikdi.
Biz tələb edirik
ki, o, tatunu ya lazer vasitəsilə silsin, ya da üzərinə başqa bir şəkil əlavə
etsin. Əgər bundan imtina edəcəksə, onda onu İngiltərə yığmasından qovmaq
lazımdı. O, nümunə olmaq əvəzinə, silahı reklam edir”.