Taksimdə gərginlik - VİDEO

İstanbulun Gezi parkındakı gərginlik davam edir.
Parkın dağıdılmasını istəməyən etirazçılar İstiqlal küçəsində barrikada quraraq polisə daş atırlar. Polis etirazçılara qarşı qaz bombası və su şırnaqlarından istifadə edir.
İstiqlal küçəsi tanınmaz hala gəlib.
Polisin müdaxiləsi davam edir.
Qeyd edək ki, İstanbulun Gezi parkında xeyli sayda ağacın kəsilməsi və ticarət mərkəzinin tikintisinə etiraz əlaməti olaraq Taksim meydanında aksiya keçirilib. Polis etirazçılara qarşı gözyaşardıcı qaz və su şırnaqlarından istifadə edib.
İstanbul valisi Hüseyn Avni Mutlu hadisə nəticəsində 12 nəfərin yaralandığını, 63 nəfərin saxlandığını bildirib.
İstanbul 6-cı İnzibati Məhkəməsi Taksim meydanında "Topçu Kışlası" ticarət mərkəzinin tikintisinin dayandırılması barədə qərar qəbul edib.