Taksi sürücüsü Moskvanın mərkəzində meksikalı fanatları vurdu
Futbol
üzrə dünya çempionatına ev sahibliyi edən Rusiyada xoşagəlməz hadisə qeydə
alınıb.
Kaspi.az
xəbər verir ki, paytaxt Moskvanın mərkəzi küçələrindən birində taksi sürücüsü
avtomobili yol kənarı ilə hərəkətdə olan insanların üzərinə sürüb. Hadisə nəticəsində
azı 7 nəfər yaralanıb.
Məlum
olub ki, zərərçəkənlərin hamısı hazırda mundialda iştirak edən Meksika
yığmasının azarkeşləridi. Yaralılar dərhal Moskvadakı xəstəxanalara
çatdırılıblar.
Hadisədən
dərhal sonra yaxınlıqdakı insanlar sürücüyə fiziki təzyiq göstərməyə
başlayıblar. Qırğızıstan vətəndaşı olduğu bildirilən və adı açıqlanmayan həmin
şəxs aradan çıxmağa çalışsa da, polis sürücünü saxlayıb.
Faktla bağlı araşdırma aparılır. Sürücünün sərxoş olmadığı qeyd edilir.