Bakı 15°C
Tahir Mirkişili: “Regionda çox təhlükəli situasiya yaranıb”
Bişkekdə
payız sessiyasına başlayan ATƏT Parlament Assambleyasının əsas müzakirə mövzusu
"Etimad və regional əməkdaşlıq vasitəsilə sərhəd bölgələrində yeni çağırış və
təhlükələrlə mübarizə” olub.
Müzakirələrdə çıxış edən ATƏT rəhbərliyi və Qırğıstanın xarici işlər naziri
regionada olan təhlükələrdən və onların aradan qaldırılması yollarından danışıb.
Sessiya
çıxış edən millət vəkili Tahir Mirkişili
regionda təhlükəsizliyin pozulmasında əsas təhlükə mənbəyi olaraq işğalçılıq,
etnik təmizləmə və ərazi bütövlüyünün pozulmasını göstərib. Qeyd edib
ki, Ermənistanın 25 ildən çox davam edən işğalçılıq siyasətinin qarşısının
alınması bütün region üçün mühüm əhəmiyyət kəsb edir: "Bu gün Azərbaycan
ərazisinin 1/5-i işğal altındadır, əhalisinin isə hər 9 nəfərindən 1-i məcburi
köçkündür” – deyən deputat bu faktın həm də Azərbaycanda prioritet olan insan
kapitalının inkişafına mane olduğunu göstərib.
Ermənistanda hökumət
dəyişikliyinin Dağıq Qarabağ münaqişənin ədalətli həllinə müəyyən ümidlər
yaratdığını diqqət çatdıran millət vəkili T.Mirkişili sonrakı proseslərin və Ermənistanın
yeni rəhbərliyinin ziddiyyətli bəyanatlarının münaqişənin həllinə zərbə
vurduğunu, bunun regionda yeni təhlükəli situasiya yaratdığını vurğulayıb.
Regional təhlükəsizliyə
nail olmaqda əsas məqsədlər kimi, o, daxili sabitlik, vətəndaş həmrəyliyi,
cəmiyyətdə həmrəylik, multikulturalizm, dinlər arası və xalqlar arası dialoq,
dayanıq və dinamik iqtisadi inkişafı göstərib. Millət vəkili buna nail olmaq
üçün hər bir ölkəni Azərbaycanın təşəbbüslərini dəstəkləməyə çağırıb.
Alpər TURAN
