Suriya ordusu İsrail hərbi təyyarəsini vurduğunu açıqlayıb

Suriyaordu rəhbərliyi İsrailə məxsus bir hərbi təyyarə və bir pilotsuz uçuş aparatının vurulduğunu açıqlayıb.

APA-nın "Reuters”ə istinadən verdiyi xəbərə görə,Suriyadövlət informasiya agentliyi SANA hadisənin sentyabrın 13-nə keçən gecə, İsrail tərəfinin əl-Kuneytra bölgəsindəSuriyaordusunun mövqelərinə zərbə endirərkən baş verdiyini bildirib. Pilotların taleyi barədə xəbər verilmir.

İsrail tərəfi hələlik hadisəni təsdiqləməyib.