Bakı 24°C
“Ştutqart”ın bazasında bomba tapıldı
Almaniya Bundesliqasının təmsilçisi "Ştutqart”ın bazasında bomba
tapılıb.
Kaspi.az xəbər verir ki, bu barədə məlumatı Almaniyanın "Bild” nəşri
yayıb. Xəbərdə bazadakı meydançalardan birinin ot örtüyü dəyişdirilən zaman
ikinci dünya müharibəsi dövrünə aid bomba aşkarlandığı qeyd edilib.
Mütəxəssislər hadisə yerinə gələrək, 50 kq çəkisi olan mexaniki bombanı
zərərsizləşdiriblər.
Xatırladaq ki, 2009-cu ildə,
"Ştutqart”ın ev oyunlarını keçirdiyi "Marsedes-Bents Arena”nın bərpası zamanı
stadionun ərazisində 34 bomba aşkarlanmışdı.
