"Standard & Poor’s" Azərbaycan iqtisadiyyatının davamlı artımını proqnozlaşdırır
Növbəti 4
ildə Azərbaycanın ümumi daxili məhsulunun (ÜDM) artımı orta hesabla 3,3 faiz təşkil
edəcək.
"Biz Azərbaycan dövlət büdcəsinin orta illik profisitinin növbəti 4 ildə ÜDM-in 1,1 faizi həcmində olacağını proqnozlaşdırırıq".
Trend-in məlumatına
görə, bu barədə "Standard & Poor’s" (S&P) beynəlxalq reytinq
agentliyinin hesabatında deyilir. Agentlik
Azərbaycanın xarici və yerli valyutada qısamüddətli və uzunmüddətli suveren
kredit reytinqini "BB+/B" səviyyəsində təsdiq edib. Reytinq üzrə proqnoz mənfidən stabilə dəyişib.
Bundan
başqa "Standard & Poor's"
(S&P) beynəlxalq reytinq agentliyi 2018-ci ildə Azərbaycan dövlət büdcəsinin
profisitlə icra olunacağı ilə bağlı proqnozu da açıqlanıb.
Hesabatda
qeyd olunur: "Biz cari ildə dövlətin büdcə mövqeyinin 2014-cü ildən etibarən
ilk dəfə müsbət saldoya qayıdacağını proqnozlaşdırırıq".
Agentlik Azərbaycan
dövlət büdcəsinin 2018-ci ildə ÜDM-in 1,5 faizi həcmində, 2019-cu il - 0,6
faiz, 2020-ci il - 1,1 faiz, 2021-ci ildə isə ÜDM-in 1,7 faizi həcmində
profisitini proqnozlaşdırır:
"Biz Azərbaycan dövlət büdcəsinin orta illik profisitinin növbəti 4 ildə ÜDM-in 1,1 faizi həcmində olacağını proqnozlaşdırırıq".