• çərşənbə axşamı, 19 mart, 13:24
  • Baku Bakı 8°C

ÜST: Azərbaycan hökumətinə testlərlə bağlı dəstəyimiz çox da böyük deyil, hökumət özü daha çox test alır

03.04.20 19:32 607
ÜST: Azərbaycan hökumətinə testlərlə bağlı dəstəyimiz çox da böyük deyil, hökumət özü daha çox test alır
"Koronavirusa yoluxanların sayı 1 milyonu keçib. Virusa yoluxanların sayının getdikcə daha da artması gözlənilən idi, çünki yoluxma sürətlə artır. Virusun bəlkə də əvvəldən təxmin etdiyimizdən də çox yoluxuculuğu ola bilər deyə düşünürəm”.
APA-nın məlumatına görə, bunuAPATV-yə açıqlamasında Ümumdünya Səhiyyə Təşkilatının (ÜST) Azərbaycan Nümayəndəliyinin rəhbəri Hande Harmancı deyib.
Onun sözlərinə görə, hazırda dünyanın bir çox ölkəsi karantin rejimləri tətbiq etməklə virusun yayılma artım sürətini azaltmağa çalışır: "Qaydalara, tövsiyələrə əməl etmək, diqqətli olmaq lazımdır”.
H. Harmançı xəstəlik ilk başladığı dövrlərdə Ümumdünya Səhiyyə Təşkilatının diaqnostik testlərlə bağlı Azərbaycan hökumətinə dəstək göstərdiyini də deyib.
"Onda test əldə etmək daha çətin idi, indi bir az daha asandır. Artıq hökumətlər özləri testləri ala bilir. Bizim Azərbaycan hökumətinə diaqnostik testlərlə bağlı göstərdiyimiz dəstək çox da böyük deyil. Hökumət özü daha çox test alır”, - deyə o vurğulayıb.
H. Harmancı ÜST olaraq Azərbaycana xəstəxanalarda istifadə olunan müəyyən miqdarda maska, əlcək kimi şəxsi qoruyucu vasitələr gətirdiklərini də bildirib: "Bu miqdar çox az olsa da, bir xəstəxanada dərhal lazım olan ehtiyacı qarşılayıb. Az da olsa dəstək verə bildiksə, buna sevinirik. Lakin bu qoruyucu vasitələrin çox hissəsini yenə də hökumət özü alır”.
banner

Oxşar Xəbərlər