Spallettinin 80 yaşlı anası nəyi bilir?
"İnter”in
baş məşqçisi Luçano Spalletti A seriyasının 20-ci turunda "Fiorentina” ilə
keçirilən oyundan (1:1) sonra fikirlərini bildirib.
Kaspi.az
xəbər verir ki, Spalletti komandada həftə ərzində problemlərin olduğunu deyib.
O, komandanın oyun keyfiyyəti ilə bağlı verilən sualdan bərk qəzəblənib:
"Bu həftə
xeyli problemlərimiz oldu. Naynqollan qripə tutuldu, Ranokkiya zədəli-zədəli
oynadı. Komanda çox asanlıqla top itirir və özünə problemlər yaradır.
Komandanın
oyun keyfiyyəti? Bu sual məni bezdirib. Bəlkə siz özünüz paltardəyişmə otağına gələsiniz
və futbolçuların yüksək səviyyəli olmadığını onların özünə deyəsiniz...
Hər kəsə
aydındı ki, bizdə mərkəz müdafiəçisi ilə bağlı problem var. Hətta 80 yaşlı anam
da bilir ki, bizə müdafiəçi lazımdır. Ancaq mən kadr problemlərindən bəraət əldə
etmək üçün yararlanmayacağam”.