Bakı 13°C
“Sonda ailəsinin həyatı üçün nə qədər vacib olduğunu anlaya bilir” - Onun film seçimi
Filmlərlə bağlı hər kəsin öz maraq
dairəsi var. Kimi dram sevir, kimi fantastika, kimi komediya və s. Amma
janrından asılı olmayaraq, çoxumuz başqalarının məsləhət gördüyü filmlərə nəzər
salırıq.Məsləhət görülürsə, deməli, baxmağa dəyər. Bu dəfə sizə karyera planlama üzrə ekspert, "PSG MANAGEMENT
SYSTEMS”in məsləhətçisi İlkin Məcidovun bəyəndiyi və məsləhət gördüyü
filmləri təqdim edəcəyik.
Həmsöhbətim kinolara baxmağa çox da maraqlı olmasa da,
ancaq real hadisələr əsasında çəkilən filmləri izləmək üçün vaxt ayırmağa
çalışır: "Oxuculara bununla bağlı hər hansı məsləhət verə bilmərəm. Çünki hər
kəsin öz janrı var və o istiqamətdə də filmləri seçə bilər. Ancaq adlarını qeyd
edəcəyim 5 film mənim kimi, real hadisələri əks etdirən janr sevənlər üçün
maraqlı gələ bilər”.
İlk filmin adı "Qaçış”dır.
Bu filmdə tanınmış simalar baş rolda oynayır və filmin ssenarisi hüquq mühafizə
orqanlarının bir şöbəsi tərəfindən həbsxanalarda daxili təhlükəsizlik
qaydalarını, orada olan əskiklikləri aşkar etməkdən ibarətdir: "Bu da təbii ki,
həbsxana rəislərinin narazılığına səbəb olur və həmin şöbənin nümayəndəsinin
qaçması mümkünsüz sayılan həbsxanaya salınması ilə nəticələnir. Ancaq bu
mümkünsüzü bacaran baş rol qəhrəmanlarının hansı yollardan istifadə etdiyini
bilmək istəyənlər, gərək bu filmə baxsınlar”.
"Cənnətin
krallığı” adlanan ikinci film tarixi və real hadisələr əsasında çəkilib:
"Filmdə hadisələr Qüds ərazisində cərəyan edir və oranın fəthi zamanı
Səlahəddin Eyyubinin timsalında, müsəlmanların döyüş anında belə digər dinlərə,
onun nümayəndələrinə qarşı olan əxlaqı davranışlardan söhbət gedir”.
Üçüncü məsləhəti "Ailəndən
qaça bilməzsən” filmi oldu: "Fransa istehsalı olan bu kinoda, kənddə
ailəsini qoyub şəhərə gələn, karyerasını qurduqdan sonra ailəsini bəyənməyən
dizaynerin həyatından bəhs edir. Başına elə hadisələr gəlir ki, sonda ailəsinin,
həyatı üçün nə qədər vacib olduğunu anlaya bilir”.
Dördüncü film isə "Ölü
şairlər cəmiyyəti” adlanır: "Ciddi intizamın hökm sürdüyü akademiyada
tələbələrin bezməsindən söhbət gedir. Ancaq yeni gələn müəllim bu sistemi elə
qurur ki, akademiyada çox şey dəyişir”.
Sonuncu kino "Yaxşı
Vill Hunting”dir: "Mançester Universitetində təmizlik işçisi kimi çalışan birinin
daima öyrənmə istəyindən, həvəsindən bəhs edir. Bir terapevt ilə tanış olur və
bu addım onun həyatını bütünlüklə dəyişir”.
Günel Azadə
