• cümə, 29 Mart, 06:01
  • Baku Bakı 5°C

Slavyan yazısı və mədəniyyəti günü qeyd olunub

24.05.18 17:31 1926
Slavyan yazısı və mədəniyyəti günü qeyd olunub
Bakı Slavyan Universitetində (BSU) slavyan xalqlarının böyük maarifçiləri Kiril və Mefodinin xatirə gününə həsr olunmuş Slavyan yazısı və mədəniyyəti günü qeyd olunub.
Tədbiri giriş sözü ilə açan Rusiya tədris-mədəniyyət mərkəzinin müdiri Gülnarə Novruzova hər il BSU-da Slavyan yazısı və mədəniyyəti gününün xüsusi qeyd olunduğunu diqqətə çatdırıb. O bildirib ki, bütün slavyan dünyasında yüzilliklərdən bəri qeyd olunan bu bayram slavyan xalqları əlifbasının baniləri Kiril və Mefodi qardaşlarının mədəni və mənəvi irsinə həsr edilib. Gülnarə Novruzova diqqətə çatdırıb ki, Kiril və Mefodi qardaşları yaratdıqları əlifba ilə bərabər, dini kitabları yunan dilindən qədim slavyan dilinə tərcümə edib, slavyanlara yazı öyrədib və bununla da xristian dinini yayıblar.
Sonra pedaqoji fakültənin ikinci kurs tələbələri Kiril və Mefodi qardaşlarının həyatı, onların slavyan mədəniyyətinə verdikləri töhfələr, Slavyan əlifbası və mədəniyyəti gününün əsl xalq bayramı kimi qeyd olunması haqqında ətraflı məlumat veriblər.
Tədbir çərçivəsində Kiril və Mefodinin slavyan xalqlarının həyatında xüsusi xidmətlərindən bəhs edən filmin nümayişi olub.
Nümayişin ardından çıxış edən BSU-nun professoru Lidiya Qranovskaya slavyan yazısının Oktyabr inqilabından sonrakı tarixi barədə geniş məruzə ilə çıxış edib. L.Qranovskaya slavyan dillərinin orfoqrafik qaydaları haqqında iştirakçılara maraqlı məlumatlar verərək Kiril və Mefodinin qardaşlarının bəxş etdikləri əlifba və yazının slavyan dünyası üçün böyük hədiyyə olduğunu vurğulayıb.
Tədbirdə iştirak edən Arxangelsk Beynəlxaq Universitetinin prorektoru, professor Mixail Sobolev Bakı Slavyan Universitetində slavyan xalqlarına məxsus milli bayramların təntənə ilə qeyd olunmasını sevindirici hal kimi dəyərləndirib. Mixail Sobolev "ArxangelskvilayətininAzərbaycan diasporu”nun dəstəyi ilə Azərbaycan Xalq Cumhuriyyətinin 100-cü ildönümü ərəfəsində Bakıya gəlməsinin səbəbindən də söhbət açıb. O, Azərbaycan Xalq Cumhuriyyətinin fəaliyyətinə dair tarixi faktlardan bəhs edən məqalə hazırladığını bildirib. BSU-da fəaliyyət göstərən "Azərbaycanda Rus dili və ədəbiyyatı” jurnalı ilə yaxından tanış olduğunu deyən qonaq jurnalda dərc olunan məqəlalər barədə müsbət fikirlər səsləndirib. M.Sobolev çıxışının sonunda "ArxangelskvilayətininAzərbaycan diasporu”nun dəstəyi ilə Gənc Türk Yazarlar Birliyi və Rus Yazıçılar Birliyinin Azərbaycan-rus dillərində hazırladığı "Fəzanın cazibəsi” adlı kitabı BSU-nun kitabxanasına bağışlayıb.
Sonra tədbirin bədii hissə ilə davam edib.
banner

Oxşar Xəbərlər