“Siti”nin ÇL-dən qovulmasını tələb edirlər
"Mançester Siti”
avrokuboklardan uzun müddətə uzaqlaşdırıla bilər.
Kaspi.az xəbər
verir ki, buna səbəb maliyyə pozuntuları göstərilir. Araşdırmalar zamanı "şəhərlilər”in
2014-cü illə bağlı hesabatda yanlış məlumatlar verdikləri bəlli olub.
Araşdırmanı
UEFA-nın ekspert qrupu aparıb. Qrupa Belçikanın sabiq baş naziri İvo Letermom
başçılıq edir. Qrup aprel ayında "Siti”nin nümayəndələri ilə görüşüb. Ancaq
klub nümayəndələri onlara inandırıcı dəlillər təqdim edə bilməyiblər.
Məlumata görə,
istintaq qrup UEFA-dan "Siti”nin ən azı bir illiyinə avrokuboklardan
uzaqlaşdırılmasını tələb edəcək.