AZE | RUS | ENG |

Şinzo Abe: Yaponiyanın Rusiya ilə sülh müqaviləsi barədə mövqeyi dəyişməz qalır

Şinzo Abe: Yaponiyanın Rusiya ilə sülh müqaviləsi barədə mövqeyi dəyişməz qalır
Yaponiyanin Baş naziri Şinzo Abe bildirib ki, ölkəsinin Rusiya ilə sülh müqaviləsi barədə mövqeyi dəyişməz qalır. Yaponiya təkid edir ki, müqavilə yalnız dörd mübahisəli ada ilə əlaqədar məsələ həll olunduqdan sonra imzalana bilər.
AZƏRTAC NHK telekanalına istinadla xəbər verir ki, Baş nazir Rusiyadan qayıtdıqdan sonra bu barədə koalisiya tərəfdaşı Komeyto Partiyasının lideri Natsuo Yamaquçi ilə görüşü zamanı bəyan edib.
Vladivostokda keçirilən beynəlxalq konfransda Ş.Abe Rusiya tərəfini sülh müqaviləsi imzalamaq üçün əməkdaşlığa çağırıb.
Rusiya Prezidenti Vladimir Putin isə iki ölkə arasında heç bir ilkin şərt irəli sürmədən ilin sonunadək sülh müqaviləsinin imzalanmasını təklif edib.
N.Yamaquçi ilə görüşdə Ş.Abe deyib ki, o, V.Putinin təklifini sülh müqaviləsinin imzalanması istiqamətində təşəbbüs kimi yüksək qiymətləndirir.
Baş nazir, həmçinin bildirib ki, Yaponiya hökumətinin siyasəti dəyişməz qalır və Rusiya ilə sülh müqaviləsi dörd mübahisəli ada məsələsinin həllindən sonra mümkündür.
Hokkaydo adasının şimalında yerləşən dörd ada Rusiyanın nəzarəti altındadır. Yaponiya tərəfi həmin adalara iddialıdır və bu adaları ölkənin ayrılmaz tərkib hissəsi hesab edir. Yaponiya hökumətinin mövqeyinə görə, həmin adalar II Dünya müharibəsi nəticəsində qeyri-qanuni yolla işğal edilib.

Paylaş:

Facebook-da

Reklam

Xəbər lenti

Valyuta məzənnəsi

Tipi Ədə. Adı AZN
USD 1 1 ABŞ dolları 1.7
EUR 1 1 Avro 1.9126
GEL 1 1 Gürcüstan larisi 0.6299
GBP 1 1 İngiltərə funt sterlinqi 2.2079
IRR 100 100 İran rialı 0.004
SEK 1 1 İsveç kronu 0.1825
CHF 1 1 İsveçrə frankı 1.6731
KWD 1 1 Küveyt dinarı 5.5884
TRY 1 1 Türkiyə lirəsi 0.2916