Sinəsindən zərbə alan idmançı öldü
Argentinanın reqbi üzrə 3-cü divizionunda faciə baş verib.
Kaspi.az xəbər verir ki, "Berasateqi” klubunun 20 yaşlı reqbiçi
Qonsalo Kastro sinəsinə dəyən zərbə nəticəsində ölüb. Hadisə "Mori” ilə oyunda
baş verib. Kastro ona qarşı tətbiq olunan güc fəndi zamanı sinəsindən ağır
zərbə alıb.
Zərbədən sonra idmançı əvəzlənməsini istəyib. Həkim ona ilk tibbi
yardım göstərib. Bir neçə dəqiqədən sonra isə onda sudurğa baş verib. Təcili
yardım maşını gec gəldiyi üçün Kastronu şəxsi avtomobillə xəstəxanaya çatdırmaq
istəyiblər. Ancaq idmançı yolda dünyasını dəyişib.